Категорија: Почетна

Author koryuPosted on јануари 27, 2010Categories Почетна

Во денешниот број на најчитаниот македонски неделен магазин, „Теа модерна“, излезе статија посветена на девојките од нашето доџо Буџинкан Македонија.

Како што знаете „Теа модерна“ е магазин посветен на културата, уметноста и модата и има тираж од над 100.000 продадени примероци неделно. Тоа значи дека за Буџинкан Доџо оваа недела ќе прочитаат најмалку 500.000 илјади Македонци, што е речиси една четвртина од населението во нашата земја.

Инструкторот на Буџинкан Македонија, Игор Довезенски, преку своето доџо веќе 15 години го „шири“ гласот на организацијата предводена од соке Масааки Хатсуми и досега се има појавувано во многу пишани и електронски медиуми, каде што секогаш предизвикувал голем интерес за јапонските класични борбени вештини.

Author koryuPosted on јануари 24, 2010Categories Почетна

Во Хомбу доџо-то на Буџинкан Македонија, под водство на инструкторот Игор Довезенски, викендов се одржа семинар на тема Гокуи Не Ваза (Тајните на борба на земја).
На семинарот присутвуваа 21 учесник, кои два дена обработуваа техники на голорака борба во седечка и лежечка положба.

Семинарот започна со мини предавање за историјата на техниките на Не Ваза, за веднаш потоа да продолжи со изведување на различни Таисо вежби, по што се пристапи кон изучување на Атеми Кју Шо, Укеми Таихенџутсу и Камае.
Втората сесија од првиот ден беше посветена на техниките на задржување и контролирање на противникот Осае Ваза.

За време на првата сесија на вториот ден, учениците имаа можност да научат шест техники на „заклучување“ на зглобовите на противникот односно Кансетсу Ваза, како и многу варијанти на истите.
Последната сесија на семинарот беше посветена на техниките на давење односно Шиме Ваза. Инструкторот Довезенски демонстрираше и детаљно објасни девет техники од оваа група, но и неколку варијанти на истите.

И покрај големата болка предизвикана од реалниот начин на тренинг, но и од тврдиот паркет во нашето доџо, учениците (речиси сите) успешно го завршија семинарот презадоволни од техниките вежбани во текот на двата дена.

Author koryuPosted on јануари 19, 2010Categories Почетна

 

Нинџутсу Сојузот Буџинкан Македонија

најавува дводневен семинар на тема:

Гокуи Не Ваза (Тајните на борба на земја)

со инструкторот Игор Довезенски 

Како што веќе Ви е познато, во нашето доџо се посветува големо внимание на борбата на земја. Во школите на Буџинкан овие техники постојат во Такаги Јошин Рју, Шинден Фудо Рју и Кукишинден Рју. Многу од катите на Такаги Јошин Рју, завршуваат со техники на давење или лост на земја. Иако не се организирани во кати, во минатото било неопходно секој Буши (воин) да посвети внимание на тренингот на Не Ваза.

 
Ги покануваме сите вљубеници во боречките вештини да присуствуваат на семинарот и да научат повеќе за тајните на борба на земја. Семинарот е отворен за сите – без разлика на нивото на знаење, или, пак, на стилот.
Ова е можност за сите да го зголемат своето знаење за вештината која со векови била мистерија дури и за самите Јапонци.

Време: 23 и 24 јануари, 2010 год.

Распоред:
     
       Сабота                                         Недела

11.00 до 13.00 тренинг               11.00 до 13.00 тренинг
13.00 до 15.00 ручек-одмор        13.00 до 15.00 ручек-одмор
15.00 до 17.00 тренинг               15.00 до 17.00 тренинг

Место: Хомбу доџо Пат кон Сонцето – Скопје – Македонија
Опрема: Ги (горно и долно), појас и танто.

Author koryuPosted on јануари 13, 2010Categories Почетна

 

Високотиражниот
македонски месечен „Лајф Магазин“, во
јануарскиот број посвети три страници
на Школото за класични јапонски борбени
вештини Буџинкан Македонија
(Пат кон Сонцето).

Повод
за тоа беше одржувањето на нашата
традиционална Работилница за самоодбрана
за жени, која секој година буди огромен
интерес кај македонските медиуми.

Покрај
одличното претставување на организацијата
Буџинкан Доџо и соке Масааки Хатсуми,
членовите на нашиот клуб, Тина Доковска
и Зоран Тодоровски, демонстрираа за
јавноста и две техники за самоодбрана
за жени.

Според
информациите кои ги добиваме од
редакцијата на магазинот, оваа тема
предизвикала огромен интерес, така што
се најавува подолгорочна соработка
меѓу нашиот клуб и „Лајф Магазин“.

Насловот
на статијата „Македонки учат техники
на јапонски жени-воини“ е најавен на
насловната страница, а во текстот, покрај
претставувањето на нашиот клуб, има
кратко објаснување за деветте школи на
Буџинкан Доџо, како и за техниките на
жените-воини Куноичи.

Author koryuPosted on декември 28, 2009Categories Почетна

Уште една година остана зад нас. Беше посветена на духовниот развој преку Саино Кон Ки. Ние се обидовме да дознаеме што значи тоа преку проучување и вежбање на школото Гјокко Рју Кошиџутсу.
И оваа година организиравме два меѓународни семинари, од кои, едниот беше со светски познатиот шихан Свенерик Богсатер. Инструкторот на Буџинкан Македонија, Игор Довезенски, одржа седум семинари во природа, како и многу неделни тренинзи. Особено сме среќни поради одличниот одзив на нашите традиционални семинари „Преживување“ и „Патот на шугенџа“. Годинава за прв пат на нив учествуваа и гости од други земји, што ни претставува огромно задоволство. Од друга страна, членовите на нашиот клуб гостуваа на три меѓународни Буџинкан, но и на три семинари од други јапонски традиционални борбени вештини (корју).

Во моментов нашето Хомбу доџо брои 41 редовен ученик.
Но не застануваме тука. Не се залажуваме дека подобро е да имаш неколку добри, отколку многу лоши ученици. Тоа е губитничко оправдание. Лошите ученици се многу ретки во нашата вештина, но ние и од нив се трудиме да направиме добри индивидуи. Веруваме дека поголем проблем се лошите учители кои ги губат своите ученици бидејќи немаат што да ги научат. Таквите потоа бараат следбеници кои слепо ќе ги следат и ќе се радуваат на нивните убави зборови. Ние не произведуваме слепци, ние создаваме воини (водачи).
Оваа година имавме и еден неуспех. Згасна нашето битолско доџо, односно поточно би било да се каже дека никогаш и не проработи како што треба. Во иднина треба повеќе да внимаваме кому даваме доверба. Спротивно на тоа, отворивме уште едно доџо во Скопје, кое покажа одлични резултати. Отварањето на нови школи отсега ќе биде поригорозно. Ќе важи истиот стандард кој е поставен од Хомбу-то на Буџинкан Македонија.
Во 2009 одржавме две полагања за степени. Нашето доџо е меѓу оние каде посебно внимание се обрнува на стандардот при тестирањето. За шодан се потребни миниум пет години тренинг без пропуштање на повеќе од два часа месечно (а имаме околу 14). Тоа значи многу труд и искрен пристап кон вешината.
Покрај другото, ја одржавме нашата традиционална Работилница за самоодбрана за жени, која побуди огромно внимание кај домашните медиуми, со што успешно ја презентиравме нашата вештина и организација пред македонската јавност. Се обидовме колку што можеме повеќе да го претставиме соке Масааки Хатсуми во величенствено светло.
Изградивме наш Ниџутсу Тренинг Центар, во кој одржавме Нинџа Камп. Наш центар, на наше земјиште. Тоа што се случуваше таму, нема доволно време и место да се опише. 24/7 корју буџутсу и нинџутсу. Неверојатно!
Уште неколку статистички податоци за нашата работа во оваа година. Од 1 јануари 2009, па заклучно со денес, нашата веб-страница ја посетиле над 12.000 души, од вкупно 60 држави, а оваа година најредовните посетители се од Германија, САД, Србија и Хрватска (подредени според бројот на посети). Секако, тоа воопшто не е некоја голема бројка за фалење, но со оглед на тоа што не се рекламираме на ниту еден друг начин, и не е така лошо.
Во 2010 година очекуваме уште подобри резултати. Како и секогаш. Нинпо Иккан !

*******************************************************************
Вчера, во Хомбу Доџо-то на Буџинкан Македонија се одржа полагање за ученички степени.
За 9 кју положија Тина Д., Катерина Д., Горан Б., Горан М., Драган М. и Антон П., додека со 7 кју заслужено се закитија Маја И., Игор С. и Мирон Ц.
За 5 кју положија учениците Бојана Г., Зоран Т., Дарко Б. и Благица С. Заслужно, 3 кју добија Марјан П. и Марко О.
За својот труд, упорност, редовност и љубов кон вештината и школото, пофалници добија учениците Марјан П., Марко О., Дарко Б., Маја И. и Антон П.
Оваа година благодарница за помош и развој на Буџинкан Нинџутсу во Македонија добија Марјан П. и Дарко Б. (сите имиња се напишани скратено поради почитување на приватноста на нашите членови)

Author koryuPosted on декември 27, 2009Categories Почетна

Како што веќе знаете, соке Масааки Хатсуми ја зададе темата за 2010 година, а тоа е: Роккон Шоџо (прочистување на шесте сетила). Станува збор за шугендо доктрина, која постарите ученици на Буџинкан Македонија ја проучуваат во последните три години (видете подолу на нашата веб-страница).

Што се однесува до техниките со оружје (Буки Ваза), за време на годината на тигарот (2010) вниманието ќе биде насочено кон Тачи, меч кој е малку подолг од катаната и се носи со сечивото надолу.

Бидејќи ова е нова тема за сите нас, а можно е да биде подложна на измени во текот на годината (како што соке често знае да прави), ние во 2010 година ќе се концентрираме на школото Кото Рју Коппоџутсу (Школото на соборениот тигар). Што се однесува до вежбањето со Тачи, тоа во целост ќе го оствариме, бидејќи имаме добро искуство со него. За нас, прва вистинска средба со Роккон Шоџо ќе биде за време на семинарот со шиханот Свенерик Богсатер во април, кој ќе ни пренесе дел од неговите сознанија за оваа тема.

Програмата за 2010 год. на Буџинкан Македонија е веќе поставена на нашата веб-страница.

********************************************************

За време на новогодишните празници Школото за борбени вештини Пат кон
Сонцето – Буџинкан Македонија ќе биде затворено само на 1 и 6 јануари (Бадник), додека останатите денови ќе одржува редовни тренинзи.
На сите наши членови и пријатели им посакуваме се најубаво во новата 2010 година. Нека ни е честит Божиќ !

Akemashite Omedeto Gozaimasu!

Author koryuPosted on декември 6, 2009Categories Почетна

Под водство на
инструкторот Игор Довезенски, а со асистенција на неговите постари ученици
Марјан Прошев и Бојана Груневска, денеска се одржа Работилницата за самоодбрана
за жени, организирана од страна на Нинџутсу Сојузот Буџинкан Македонија.

Покрај ученичките од
нашиот клуб, учество земаа и припаднички на понежниот пол кои што никогаш
немале можност да се занимаваат со некаква боречка вештина. По завршувањето на
работилницата сите учеснички беа согласни дека техниките кои што ги научија во
текот на денешниот ден се крајно корисни и ефикасни.

Работилницата започна со
проучување на психологијата на машкиот насилник како и начините и местата на кои
најчесто доаѓа до напад врз девојките, а и жените воопшто. Потоа се премина кон
вежбање на техники со разработување на различни сценарија на напад со раце и нозе,
зграпчување за тело, како и соборување на земја со обид за силување. Припадничките
на поубавиот пол имаа можност да се запознат и со положбите на телото кои ќе им
овозможат лесна одбрана, но и со положбите кои ги „затвараат“ можностите за
делување.

Прекрасно беше да се
подучува една таква група како денешнава, која имаше огромна желба да ги
совлада начините и техниките на самоодбрана. Иако тренингот беше крајно напорен
и исцрпувачки, како физички, така и ментално, сепак учесничките на
Работилницата покажаа огромна воља и талент и лесно ги совладуваа сите покажани
техники. Во текот на целиот тренинг, тие беа насмеани и задоволни од наученото,
што секако претставува уште поголем поттик за понатамошна работа и одржување на
Работилницата посветена на припадничките на понежниот пол, кои денес покажаа
дека со малку труд доколку е потребно можат да бидат и посилен пол.

Author koryuPosted on ноември 23, 2009Categories Почетна

Школото за борбени вештини
Пат кон Сонцето
ја организира традиционалната:
Работилница за самоодбрана за жени
Под наслов
Понежниот пол – Посилен пол

Во работилницата посветена за самоодбрана на
женскиот пол ќе добиете практичен одговор на
следните прашања:

Што ако…?

-ме навредува?
-ме удри?
-ме клоцне?
-ме зграпчи?
-ме собори на земја?

Работилницата е предвидена и прилагодена за припадничките на понежниот пол кои немаат никакво искуство во боречките вештини. Истовремено, ги повикуваме да ни се придружат сите заинтересирани, без разлика на нивото на знаење.

Датум на одржување:

06 декември, 2009 година

Време: од 11.00 до 15.00 часот

Дополнителни информации: 077 976 906 или на е-маил: daito_macedonia@yahoo.com
Прочитајте за минатогодишната работилница (скролувај надолу): http://www.koryu.mk/index.php?page_no=5
и интервјуто за „Дневник“ со инструкторот Игор Довезенски (скролувај надолу):
http://www.koryu.mk/index.php?page=magazine

Author koryuPosted on ноември 16, 2009Categories Почетна

Уште еден успешен семинар организиран од страна на Буџинкан Македонија. Овој пат одржан од страна на нашиот пријател од Чешката Република, Филип Бартош.

Иако пред две недели имавме најавено околу 30-тина учесници на семинарот, од кои голем дел од соседните земји, во последен момент тие го откажаа своето учество поради појавата и ширењето на свинскиот грип во нашата држава. Сепак, тоа не ги поколеба петнаесетината ученици на Буџинкан Македонија да ја проучуваат школата Шинден Фудо Рју Џутаиџутсу. Во текот на двата дена, успеавме да ги поминеме сите кати од сите три нивоа на оваа рју ха: шоден, чуден и окуден.
Мајсторот Филип Бартош несебично го подели своето знаење со нашите ученици кои со голем жар ги вежбаа шеесетината кати на оваа стара школа, која изобилува со техники на фрлање (наге ваза).

Како и секогаш, дружењето беше прекрасно, атмосферата во доџо-то весела, а во текот на слободното време не изостанаа ниту посетите на скопските ресторани и кафулиња, познати по одличната храна и амбиент.
Благодарност до сите учесници и гости на семинарот.

Author koryuPosted on ноември 4, 2009Categories Почетна

Буџинкан Македонија ви најавува:

Меѓународен нинџутсу БуЈу Каи семинар со нашиот стар пријател Филип Бартош

Тема: „Шинден Фудо Рју Џутаиџутсу и Кенџутсу“
Ги
покануваме сите вљубеници во боречките вештини да присуствуваат на
семинарот и да научат повеќе за една од најстарите вештини во Јапонија.
Семинарот е отворен за сите – без разлика на нивото на знаење, или,
пак, на стилот.
Ова е можност за сите да го зголемат своето знаење за вештината која со векови била мистерија дури и за самите Јапонци.
 
Време: 14 и 15 ноември, 2009 год

Распоред:          Сабота                                                       Недела 

                10.00 до 13.00 тренинг                             10.00 до 13.00 тренинг
                13.00 до 15.00 ручек-одмор                     13.00 до 15.00 ручек-одмор
                15.00 до 18.00 тренинг                             15.00 до 18.00 тренинг

Место: Хомбу доџо Пат кон Сонцето – Скопје – Македонија
Опрема: Ханбо, Бокен, Танто (само дрвени оружја се дозволени)
Цена: 50 евра семинарска такса, за уплата до 20 октомври, потоа 60 евра