Месец: м.г

Author dovezenskiPosted on април 14, 2025април 14, 2025Categories Почетна

Еден ден по ХоЏутсу, се одржа и традиционалниот семинар за Лак и Стрела (Јуми Ја), на кој присуствуваа речиси 20 членови на Буџинкан Македонија.

Временските услови беа како создадени токму за ваков тип на тренинг, со што уживањето беше уште поголемо. Се гаѓаше со неколу видови азиски лакови, на три мети.

По завршувањето на семинарот, учителот на Буџинкан Македонија додели два бронзени медали Генин на двајца свои ученици кои повеќе од десет години редовно вежбаат во Доџото. Тие заслуги им припаднаа на Тодор Ангеловски и на Константин Анастасијевиќ.

Следниот Нинџутсу семинар во Хомбу Доџо ќе биде меѓународниот БуЈуКаи кој ќе се одржи на 10/11 мај, а подготовките за истиот се веќе започнати.

Author dovezenskiPosted on април 13, 2025април 13, 2025Categories Почетна

Веднаш по ХоЏутсу семинарот што се одржа во саботата во Хомбу-то на Буџинкан Македонија, двајца членови на доџото беа тестирани за повисок степен од страна на водачот Игор Довезенски.

Станува збор за долгогодишните ученици Марко Опачиќ, кој успешно положи за Јондан (4 ДАН), како и за Таки Гаковски, кој се здоби со Нидан (2 ДАН). Со ова, Буџинкан Македонија сега има тројца членови со Нидан, како и еден со Јондан, со што уште повеќе се зголемува квалитетот на едно од најдобрите Доџо-а во светот.

Опачиќ и Гаковски се едни од најпосветените ученици на учителот Довезенски, а покрај мајсторските звања во (Буџинкан) Нинџутсу и двајцата се носители и на мајсторски звања во вештината Даито рју Аикиџуџутсу.

Им честитаме за повисоките степени и им посакуваме уште многу години поминати во тренинг во Буџинкан Македонија!

Author dovezenskiPosted on април 13, 2025Categories Почетна

Во дворот на Хомбу Доџото на Буџинкан Македонија, со сите преземени протоколи за безбедност, во саботата се одржа семинар за самурајско гаѓање со пушка, при што беа вежбани положбите кои биле користени од страна на Самураите кои ја изучувале школата Геки рју Хоџутсу.

Овој семинар има голема важност за да се зачува и одржи традицијата на јапонското стрелање со Танегашима (пушка-мускета), кое особено било популарно на почетокот на 17 век во Земјата на Изгрејсонцето.

Токму затоа, членовите на Буџинкан Македонија редовно го одржуваат овој настан, при што учесниците ги изучуваат ставовите за гаѓање кои биле користени од страна на воините од Јапонија. Покрај положбите на телото, голема улога играат и начините на дишење, како и смиреноста која што е потребна за правилно да се изведе секоја техника.