Месец: м.г

Author dovezenskiPosted on август 17, 2024август 22, 2024Categories Почетна

Над триесет учесници од земјава и од странство во периодот од 4ти до 12ти август имаа можност да ја изучуваат древната школа Тогакуре рју Нинџутсу под водство на еден од најактивните кобудо учители во светот – Игор Довезенски.

Оваа година, летниот камп беше посетен од страна на поголема група ученици од Република Турција кои за прв пат учествуваа на овој легендарен настан. На крајот од кампот, воодушевени истакнаа дека никогаш порано не присуствувале на сличен настан кој нуди толку многу знаење и динамично вежбање на едно место.

Многубројните активности од утро до мрак, како и атмосферата која што секогаш е на највисоко ниво, го прави овој настан толку уникатен, што секоја година се повеќе луѓе од Македонија и од светот го посетуваат и црпат огромно знаење за време на истиот.

Пријавувањето за седумнаесетиот Летен Нинџа Камп е отворено од 1 јануари 2025 година (на полноќ), а се очекува најголемиот број на учесници да се пријават токму во првите 15 минути од новата година.

Author dovezenskiPosted on август 17, 2024август 22, 2024Categories Почетна

Детскиот Летен Нинџа Камп помина во неверојатна атмосфера, а исто како и минатата година, така и оваа имавме и учесник од странство, така што настанот веќе сигурно прераснува во интернационален.

Вкупно 22 дечиња од Македонија и од Италија уживаа вежбајќи ги јапонските нинџа вештини донесени во нашата земја од страна на учителот Игор Довезенски, а надгледувани од будните очи на Таки Гаковски и неговите помошници Косара, Ксенија и Петар Довезенски.

Целиот камп помина во многу забава, тренинг, различни активности, а децата се вратија презадоволни во своите домови и на радост на нивните родители, побогати за едно големо животно искуство.

Се гледаме следната година!