Нова група за најмладите - Нинџа Клинци II

Author koryuPosted on Categories Почетна

На барање на родителите чии деца не се во можност да вежбаат во вторник и во четврток поради учество на други активности (англиски јазик, балет, музичко училиште), Буџинкан Македонија од октомври отвора уште една група „Нинџа Клинци II“, која што ќе работи во понеделник и среда од 18:00 до 19:00 часот. 


Се надеваме дека на овој начин ќе можеме да им излеземе во пресрет на сите дечиња кои се заинтересирани за изучување на вештините на јапонските самураи и нинџи. 

За повеќе информации, слободно обратете се на инструкторот кој ќе биде задолжен за водење на новата група – семпаи Тодор Ангеловски (071 510 593). 

Нинџа Клинците на Буџинкан Македонија - гости во националната Македонска Телевизија

Author koryuPosted on Categories Почетна

Детската секција на Буџинкан Македонија односно Нинџа Клинци-те, вчера достоинствено го претставија нашето доџо за време на гостувањето во емисијата „Голем Одмор“ што секојдневно се прикажува на МТВ1. 

Предводени од инструкторите одговорни за нивната работа, семпаи Тодор Ангеловски и кохаи Таки Гаковски, нашите најмлади членови ги демонстрираа техниките од Саншин но Ката и основните зафати од Кихон Хаппо. 
Покрај добиените пофалби од страна на вработените во националната телевизија, во текот на денешниот ден добивме и многу мејлови во кои се искажува подршка кон нивната упорност и трудољубивост, како и честитки за добрата демонстрација на вештините кои ги узучуваме во Буџинкан Македонија. 
Веруваме дека дечињата и понатаму ќе продолжат да работат вредно како и досега и дека секогаш подготвено ќе ги „бранат боите“ на нашето доџо. 

Јапонските класични боречки вештини во Македонија се издигнуваат на академско ниво

Author koryuPosted on Categories Почетна
На 14 септември, 2015 година, на седницата на Стручниот совет на Институтот за етнологија и антропологија, членовите на колегиумот едногласно го одобрија предлог-проектот на Игор Довезенски за отворање на „Лабораторија за Источни Култури“ во рамките на Институцијата, со што за прв пат во Македонија класичните јапонски боречки вештини се издигнуваат на академско ниво.
Со тоа, студентите кои студираат на ИЕА, во рамките на предметите „Етнологија на Азија“ и „Етнологија на Јапонија“ задолжително ќе посетуваат настава при што за време на вежбите ќе ја изучуваат теоријата, но и техниките на вештините кои што се предаваат во Организацијата „Пат кон Сонцето“. 
Инструкторот Игор Довезенски, ја користи оваа прилика да ја изрази својата огромна благодарност кон Раководителот на Институтот за етнологија и антропологија, д-р Љупчо Ристески, како и кон сите останати колеги за безрезервната подршка во остварувањето на идејата. 
Истовремено ги информираме сите средношколци во Република Македонија кои се интересираат за источните култури, но и сите љубителите на културата и традицијата на „Земјата на Изгрејсонцето“, дека со запишувањето и студирањето на Институтот за етнологија и антропологија, ќе имаат можност да се стекнат со знаења од областа на материјалната, социјалната и духовната култура на Јапонија. 

Уписи во Буџинкан Македонија и почеток на второто полугодие

Author koryuPosted on Categories Почетна
Иако Доџо-то за класични јапонски самурајски и нинџа вештини „Буџинкан Македонија“, врши уписи во текот на целата година, сепак месецот септември е најповолен момент за да отворите една нова страница од Вашата животна историја.
Ги известуваме сите заинтересирани дека првиот час за почетниците ќе се одржи на 1 септември, со почеток во 20:30 часот, додека напредната група продолжува со својата работа еден ден подоцна (во 20:00 часот). 
За тие што се уште не се запознаени со нашата работа, доџо-то е основано на 02 јули, 1995 година и засега е единственото во нашата држава признаено од страна на поглаварот на Буџинкан, соке Масааки Хатсуми.
Буџинкан Македонија важи за еден од најдинамичните клубови во Европа со многубројно и активно членство и со најмногу активности организирани во текот на целата година. 
Во рамките на доџо-то постојат повеќе секции за возрасни (од 13 до 113 години), но и за деца (од 5 до 12 години). 
Повеќе информации за нас можете да добиете на следниот линк http://hombu.koryu.mk/article/show/448
За инструкторот на Буџинкан Македонија http://hombu.koryu.mk/article/show/461
За термините и за локацијата http://hombu.koryu.mk/article/show/454
Ве молиме доколку имате прашања, не стеснувајте се да не контактирате преку daito_macedonia@yahoo.com или на 077 976 906.

Одржан Интернационалниот Летен Корју Камп VII

Author koryuPosted on Categories Почетна

Седмиот по ред Летен Нинџа Камп кој оваа година беше одржан под името Интернационален Корју Камп – успешно заврши. Преименувањето беше сосема оправдано ако се земе предвид дека покрај гостинот-предавач од Русија, Сергеј Бабкин, оваа година за прв пат имавме и учесник од Полска. 

Деветдневниот настан кој се смета за еден од најважните и најинтензивните во Буџинкан Македонија, според зборовите на партиципиентите и оваа година беше беспрекорно организиран. Тренинзите беа поделени меѓу инструкторите Игор Довезенски и Сергеј Бабкин, така што деновите изобилуваа со активности од утро, па до мрак.
Секој ден започнуваше со утринско трчање и истегнување на телото, а после доручекот учесниците ги изучуваа тајните на борење со долг стап (Боџутсу) на вештината Кукамишин рју. За ова беше задолжен инструкторот Сергеј Бабкин, кој исто така, секојдневно „држеше“ тренинзи и за начините на рехабилитација на телото преку специјални начини на истегнување на мускулите (Џунан Таисо).
Шидоши Игор Довезенски ја предаваше вештината на борење со тело Шинден Фудо рју Џутаиџутсу, а беше одговорен и за кондиционата подготвеност на учесниците односно за зајакнување на мускулите на телото преку специјални вежби (Џунан Ундо). Освен ова, инструкторот на Буџинкан Македонија не ги запостави ниту таканаречените „Ноќни Нинџа Акции“, кои секоја година го прават овој настан толку примамлив и познат. 
Што се однесува до другарувањето, како и секоја година тоа беше на највисоко можно ниво. Деветдневното дружење создава неверојатно длабоки врски меѓу членовите на нашето доџо кои стануваат темел за уште поголема соработка во периодот кои следи во иднина. 
За храната, организаторите и оваа година добија највисоки оценки. Природна и свежо набрана директно од бавчата што се наоѓа пред Хомбу Доџо-то. Внимателно одбрана и сервирана за да ги надополни сите загубени материи во телото, а истовремено да даде сила за тешките и напорни тренинзи. 
На крајот останува да се пренесат импресиите на учесниците кои секоја година нагласуваат дека легендарните Кампови на Буџинкан Македонија не само што стануваат синоним за тежок и напорен летен тренинг, туку се повеќе служат како патоказ на останатите клубови во Европа за тоа како треба да се организира настан со сличен формат. Ние и понатаму ќе продолжиме да го подигнуваме стандардот на Буџинкан во светски рамки, а секако ќе го зголемуваме и квалитетот на нашите Летни Кампови. 
Следниот Интернационален Летен Корју Камп VIII ќе се одржи повторно на истиот датум (04-12 август, 2016) и повторно покрај инструкторот Игор Довезенски ќе биде поканет уште еден учител со светско реноме, бидејќи нашиот стремеж е секоја година да покануваме различни инструктори, а се со цел уште подлабоко да навлеземе во тајните на традиционалните јапонски борбени вештини. 
До следната година…

Летен Корју (Нинџа) Камп VII

Author koryuPosted on Categories Почетна
Одбројувањето започна. За една недела стартува седмиот по ред „Летен Нинџа Камп“, овој пат под името Интернационален Летен Корју Камп VII. Освен Игор Довезенски, оваа година ќе има уште еден предавач на настанот, а тоа е Сергеј Бабкин од Русија – мајстор за Кукамишин рју Хјохо и за Катори Шинто рју Буџутсу. 
Кампот ќе се одржи во периодот од 4-ти до 12-ти август, во хомбу доџо-то на организацијата „Пат кон Сонцето“, а сместено во долината под планината Липац. 
Вообичајно август е единствениот месец кога членовите на Буџинкан Македонија се одмораат од напорните тренинзи, меѓутоа еден дел од нив секогаш дават приоритет на жестокиот тренинг дури и со уште позасилено темпо во овој летен период.
Освен силниот интензитет по кој нашиот летен камп е познат, мора да се спомене и одличното дружење и забава, па затоа ги повикуваме сите, без разлика на стилот или степенот во одредена боречка вештина, да земат учество и да се запознат со нашата работа одблизу.

Остануваат уште неколку дена за пријавување.
Повеќе информации тука: http://hombu.koryu.mk/article/show/656

Одржан семинарот „Живот во Дивината II“

Author koryuPosted on Categories Почетна

После два дена живеење покрај река, слободно можеме да кажеме дека станавме „речни луѓе“. Барем таков впечаток добија учесниците на вториот семинар насловен како „Живот во Дивината“. 

За време на настанот, шидоши Игор Довезенски несебично го пренесуваше своето знаење на учениците кои се одважија да земат учество на семинарот, па така тие се здобија со нови сознанија поврзани со техниките на преживување во поголема  група, овој пат покрај реката и речното корито. 
Во текот на првиот ден, Довезенски предаваше за начините на избирање на соодветно место за живот покрај река на подолг период и тоа во ситуација на воена окупација на земјата, како и во случај на некаква природна непогода. Потоа се увежвбуваа техниките за обезбедување и подготовка на храната, но и осветлување на околината со помош на примитивни алатки. 
Во текот на вториот ден, водачот на Буџинкан Македонија предаваше за начините на обезбедување на питка вода во случај на сомнеж дека реката е загадена, како и на ловење на поголеми риби со нож и нивна најефикасна подготовка за јадење.  
На крајот на семинарот сите учесници искрено се заблагодарија за научените лекции и истакнаа дека овој бил „највкусниот“ од сите досегашни настани на отворено. 
Инаку, за тие што не знаат, овој семинар во природа беше 340-ти по ред на шидоши Довезенски, така што неговото искуство на ова поле е навистина големо. Техниките на преживување во природа во најголем дел ги има научено од својот дедо, кој бил учесник во втората светска војна и одликуван со повеќе заслуги, меѓу кои и за ослободување на градот Скопје. За време на војната и после неа, тој бил извидник и техниките на преживување во природа многу му помогнале да преживее во опасните ситуации низ кои се нашол за време на тие тешки години. 

Живот во Дивината II

Author koryuPosted on Categories Почетна
Минатата година го започнавме новото седумгодишно поглавје во историјата на Буџинкан Македонија, кое всушност претставува следна фаза на легендарниот семинар „Преживување во Природа“. 
Новиот дводневен семинар насловен како „Живот во Дивината“, всушност претставува настан на кој членовите на Буџинкан Македонија ќе учат техники на живеење во заедница во дивина односно далеку од цизилизацијата. Семинарот ќе се раководи според сценарио на природна катастрофа или друга несреќа која бара повлекување на некое непристапно место и организирање живот на подолго време за одредена група на луѓе. Со совладувањето на новите вештини, членовите на доџо-то ќе бидат способни да го згрижат своето семејство и да му обезбедат основни услови за живеење во дивина во случај на опасност. 
Минатата година почнавме да го пишуваме новото поглавје на историјата, а оваа продолжуваме со втората глава. Не пропуштајте ја можноста да ги научите техниките на живеење во природа, кои во случај на природна катастрофа или друга незгода ќе ви бидат повеќе од потребни. 
На семинарот можат да учествуваат сите членови на доџо-то Буџинкан Македонија / Пат кон Сонцето, без разлика на нивното звање.

За минатогодишното незаборавно искуство, прочитајте тука —–> Живот во Дивината I    

Потребна опрема: се што може да послужи за преживување во природа и што ќе го собере во вашиот ранец.
Ден: 25/26 јули (2015)
Место: во околината на Липац
Програма:
сабота 07.00 часот – тргнување од Скопје
недела 18.00 часот – враќање назад
Пријавување и информации преку инбокс, телефон или на Форум.
п.с. Престојувањето во природа носи одредени опасности. Сите учесници доаѓаат на сопствен ризик. Направете ги потребните лекарски испитување пред да се пријавите за учеството.

20 години Буџинкан Македонија (2 јули 1995 - 2 јули 2015)

Author koryuPosted on Categories Почетна

Со голема караоке забава, завчера беше одбележан 20-годишниот јубилеј од основањето на Буџинкан Македонија. Настанот се одржа во скопската винаријата „Картал“, а на него присуствуваа над четиреесет членови на доџо-то.

Учениците на инструкторот Довезенски, од сите генераци собрани заедно на едно место, имаа можност меѓусебно да си споделат спомени и импресии од поранешните и сегашните времиња минати во Буџинкан Македонија. Многу другарства, љубовни врски, деловни партнерства, па дури и бракови се „родиле“ за време на годините минати во тренинзи во единственото традиционално јапонско доџо во Македонија, а најголем дел од членовите на доџо-то се уште се многу благодарни поради тоа. 
Инаку, за тие кои не знаат, Буџинкан Македонија е основана на 2 јули, во 1995 година, од страна на Игор Довезенски, единствениот Македонец носител на неколку титули во неколку различни класични борбени школи (рју-ха). Од основањето, па до денес, организацијата работи без прекини и секојдневно одржува тренинзи за своите членови. Засега, тоа е единственото признаено доџо во нашата држава, од страна на поглаварот на Буџинкан, соке Масааки Хатсуми. Буџинкан Македонија се уште важи за еден од најдинамичните клубови во Европа, со многубројно и активно членство, што само зборува за квалитетот на знаењето што се добива во доџо-то.
На крајот на забавата, основачот Довезенски се заблагодари на сите свои членови и гости кои присуствуваа на јубилејната средба и кои дојдоа да одадат почит за макотрпната работа која од Буџинкан Македонија создаде почитувано доџо со врвно светско реноме, познато и признато од најдобрите интернационални организации за јапонски боречки вештини. 

Одржан меѓународниот Катори Шинто рју семинар под водство на Ерик Лоув

Author koryuPosted on Categories Почетна

Во организација на Доџо-то за класични јапонски боречки вештини – Катори Шинто рју Македонија, кое е дел од Организацијата „Пат кон Сонцето“, викендов што измина се одржа семинар за Теншин Шоден Катори Шинто рју Буџутсу. Покрај учесниците од Македонија, специјално за овој настан допатуваа и кобудоки од Холандија и од Романија, со што семинарот се здоби со меѓународен карактер.

Предавач на семинарот беше нашиот учител за оваа најстара документирана јапонска боречка вештина, Ерик Лоув, кој дојде придружуван од тројца свои ученици од Амстердам. Во петокот, тие одржаа специјален тренинг за водачот на Катори Шинто рју Македонија, Игор Довезенски, кој, пак, имаше можност да вежба со сите нив подинечно. Следниот ден, на официјалниот дел од семинарот, се придружија и останатите учесници, меѓу кои и нашите пријатели од Романија, кои неодамна организираа семинар на кој Довезенски ги подучи на основите на ракување со јапонски меч. 

За време на седумдневниот престој во Македонија, сенсеи Ерик, заедно со другите учесници, имаа можност да се запознат со културно-историските споменици, но и да уживаат во убавините на нашата прекрасна земја, која, како што тие велат, при секоја посета ги остава без здив.