Author: koryu

Author koryuPosted on March 18, 2008Categories Home

ШКОЛОТО ЗА БОРБЕНИ ВЕШТИНИ
ПАТ КОН СОНЦЕТО
ЗА ПРВ ПАТ ВО МАКЕДОНИЈА ОРГАНИЗИРА
РАБОТИЛНИЦА ЗА САМООДБРАНА ЗА ЖЕНИ

ПОД НАСЛОВ
ПОНЕЖНИОТ ПОЛ – ПОСИЛЕН ПОЛ
ВО РАБОТИЛНИЦАТА ПОСВЕТЕНА ЗА САМООДБРАНА НА
ЖЕНСКИОТ ПОЛ ЌЕ ДОБИЕТЕ ПРАКТИЧЕН ОДГОВОР НА
СЛЕДНИТЕ ПРАШАЊА:

ШТО АКО…?

-МЕ НАВРЕДУВА?
-МЕ УДРИ?
-МЕ КЛОЦНЕ?
-МЕ ЗГРАПЧИ?
-МЕ СОБОРИ НА ЗЕМЈА?
РАБОТИЛНИЦАТА Е ПРЕДВИДЕНА И ПРИЛАГОДЕНА ЗА
ПРИПАДНИЧКИТЕ НА ПОНЕЖНИОТ ПОЛ КОИ НЕМААТ
НИКАКВО ИСКУСТВО ВО БОРЕЧКИТЕ ВЕШТИНИ, НО СЕ РАБИРА,
ГИ ПОВИКУВАМЕ ДА НИ СЕ ПРИДРУЖАТ СИТЕ ЗАИНТЕРЕСИРАНИ,
БЕЗ РАЗЛИКА НА НИВОТО НА ЗНАЕЊЕ.

ДАТУМ НА ОДРЖУВАЊЕ:

23 МАРТ, 2008 ГОДИНА

ВРЕМЕ: ОД 11.00 ДО 15.00 ЧАСОТ

КОТИЗАЦИЈА ЗА УЧЕСТВО: 800 ДЕНАРИ

ДОПОЛНИТЕЛНИ ИНФОРМАЦИИ: 077 586 472  ИЛИ НА Е-МАИЛ: daito_macedonia@yahoo.com

Author koryuPosted on March 16, 2008Categories Home

Како и секој друг, така и овој семинар во природа помина во фантастична
атмосфера. Многу сонце, малку ветерче и чист воздух на тони, сето тоа
придонесе за уште подобро расположение за време на семинарот Шурикен
Џутсу Сенбан Наге.
На семинарот учествуваа учениците од почетничката група на Хомбу
Доџо-то, а мораме да признаеме дека изненадија со брзото совладување на
техниките на сенбан наге односно фрлање на метални сечива од Тогакуре
Рју школата.
Покрај историјата и филозофијата на вештината Шурикен Џутсу, учесниците
имаа можност да научат петнаесетина различни техники на фрлање. Сепак,
од тоа што можеше да се забележи за време на семинарот, учениците
најмногу уживаа за време на гаѓањето со три шурикени истовремено, како
и во гаѓањето од големи растојанија.
Се на се, одличен ден и многу научени работи, кои секако, треба постојано да се дотеруваат.

Author koryuPosted on March 12, 2008Categories Home

На 16 март (недела), Нинџутсу Сојузот Буџинкан Македонија ќе одржи
семинар во природа на тема Шурикен Џутсу Сенбан Наге (вештина на
користење метални сечива од типот сенбан).
На семинарот ќе се обработуваат техники со сенбан шурикен, во
согласност со темата на годината. Станува збор за оружје кое било
користено од страна на нинџа воините од школата Тогакуре Рју, а
учесниците ќе имаат можност да научат за нивната историја, но и да
ракуваат со истите.

Тема: Шурикен Џутсу Сенбан Наге

Ден: 16 март, 2008 година

Место: Смкнено

Програма:    08.00 часот – поаѓање од Скопје
                     09.00 часот – пристигнување
                     10.00 -16.00 часот – теоретски и практичен дел
                     16.30 враќање назад

Цена: 1.000 денари – во цената е вклучено: семинарска такса и превоз

Семинарот ќе се одржи без разлика на временските услови.

Author koryuPosted on March 7, 2008Categories Home

I would like to inform you that I have just contacted Papa San sensei.
He asked me to pass his warm regards. As always, he was highly
optimistic and he said he will be back stronger than ever.
As you already know, he had few heart surgeries, but still allowed me to pass this beautiful news:

Papa San will visit Macedonia to conduct a seminar for his European students!

Tai Kai Macedonia 2008 (17/18 may)

If you have any questions, feel free to contact me through our e-mail.

**********************************************************

Сакам да Ве информирам дека пред малку контактирав со Папа Сан сенсеи,
при што ме замоли да Ви пренесам големи поздрави. Како и секогаш, тој
беше многу оптимистичен и порача дека ќе се врати посилен од кога и да
е.
Како што знаете, тој имаше неколку операции на срцето, но, и покрај тоа, ми рече дека можам да Ви ја соопштам убавата вест:

Папа Сан доаѓа во Македонија да одржи семинар за сите негови ученици  во Европа!
 
Таи Каи Македонија 2008 (17/18 мај) Доколку имате некакви прашања, слободно контактирајте ме преку нашиот е-маил.

Author koryuPosted on February 24, 2008Categories Home

Сакам да Ве известам дека операцијата на срцето извршена над учителот
Ед Мартин „Папа Сан“ поминала добро и дека докторите прогнозираат добра
завршница. Во последниот наш контакт, тој беше оптимистично расположен
и не сакаше да слушне за одложување на неговиот семинар во нашата
земја, кој треба да се одржи на 17/18 мај, 2008 година.
На една од официјалните веб-страници на Буџинкан Доџо, поставен е линк до форумот Kutaki
, каде што неговите ученици и пријатели се обидуваат на најразличен
начин да соберат парични средства со цел да му ги олеснат големите
болнички трошкови.
Ние, како негови пријатели и ученици, ќе се вклучиме во акцијата, преку
организирање на еднодневен семинар, а средствата собрани од истиот, ќе
бидат испратени на неговата банковна сметка.
Семинарот ќе се одржи на 2 март (недела), со почеток во 11.00 и ќе трае
до 15.00 часот. Тема на семинарот ќе биде „Ханбо Џутсу“, а цената на
семинарската такса ќе изнесува 500 денари.
Papa San, Gambate Kudosai !

Author koryuPosted on February 17, 2008Categories Home

На 24 февруари (недела), во Хомбу Доџото на Нинџутсу Сојузот Буџинкан Македонија, ќе се одржи тренинг на тема Јавара Џутсу.
На овој настан ќе може да присуствуваат сите ученици на Буџинкан
Македонија, без разлика на нивото на знаење. Инаку, јавара е кратко
дрвено стапче, чија што должина може да варира од 10 до 30 сантиметри,
но предноста на оваа вештина е што јаварата може да биде заменета со
било кој предмет што го користиме секојдневно, како што е пенкалото,
моливот, чешелот, привезокот за клучеви и слично.
Целосна боречка вештина, која користи целосно легални предмети од
секојдневието и одлични техники кои овозможуваат самоодбрана во секое
време и на секое место.
Тренингот ќе започне во 11.00 и ќе трае до 14.00 часот (цена 200
денари), а потоа ќе следува прикажување на документарниот филм „Човекот
како оружје“, снимен и прикажуван на сателитскиот канал „Хистори“, во
кој, како тема е обработена вештината нинџутсу. Секако, сето тоа ќе
биде проследено со стручен коментар и објаснување.
Не пропуштајте го овој тренинг. Пријавете се на време!

П.С. Понесете со вас дрвено односно метално стапче, чешел или пенкало.

Author koryuPosted on February 10, 2008Categories Home

Ве неверојатна чиста и сончева февруарска недела, истовремено
проследена со ниска временска температура, на планината Липац се одржа
семинарот посветен на вештината на користење на краток стап-танбо.
На семинарот се обработуваа техники на удирање и блокирање со еден или
со два стапа истовремено, но и одбрана од најразлични удари и зафати,
како и одбрана од напади со стап и меч.
Учениците на Школото за борбени вештини Пат кон Сонцето, најмногу
уживаа во совладувањето на техниките со два стапа истовремено, а
посебно за време на демонстрацијата од страна на својот учител.
По завршувањето на семинарот, учесниците ја посетија црквата Свети
Спас, изградена на почетокот на 17 век, при што имаа можност да научат
нешто повеќе за историјата на ова православно светилиште.
Што повеќе да се каже, за еден таков прекрасен ден поминат во вежбање на најкомплетната боречка вештина-нинџутсу.

Author koryuPosted on January 31, 2008Categories Home

На 10 февруари (недела), Нинџутсу Сојузот Буџинкан Македонија ќе одржи
семинар во природа на тема Танбо Џутсу (Вештина на користење краток
стап).
На семинарот ќе се обработуваат разни техники со танбо, почнувајќи од
удари, блокови, зафати, но и користење на два кратки стапа истовремено.
Ќе се вежба одбрана и напад од различни ситуации, а ефектот на техниките ќе се испроба врз стеблата на дрвјата.
Семинарот е предвиден за сите ученици, без разлика на нивото на нивното знаење.

Тема: Танбо Џутсу

Ден: 10 февруари, 2007 година

Место: Будимарац (Липац)

Програма:

08.00 часот – поаѓање од Скопје
09.00 часот – пристигнување
10.00 -15.00 часот – теоретски и практичен дел
16.30 враќање назад

Цена: 1.000 денари – во цената е вклучено: семинарска такса и превоз 

Пријавете се на време на е-маил или во доџо.
Семинарот ќе се одржи без разлика на временските услови.

Author koryuPosted on January 21, 2008Categories Home

Во недела, 27.01.2008 година, во Хомбу Доџо-то на Буџинкан Македонија
ќе се одржи тренинг на тема Танто Џутсу (вештина на ракување со нож).
На тренингот ќе се изучуваат основните техники на самоодбрана од еден
или повеќе противници, како и ситуации кога противникот е голорак или е
вооружен со нож. Предвидени се и техники на користење на два ножа
истовремено. Исто така, внимание ќе се посвети и на психологијата и
филозофијата на борбените техники со нож.
Тренингот започнува во 11.00 и ќе трае до 15.00 часот, а цената
изнесува 200 денари. Учениците треба да понесат дрвени или пластични
ножеви (користење на вистински не е дозволено за време на тренингот), а
постои можност за купување на дрвени танто ножеви по цена од 500 денари
(од варена бука) пред самиот тренинг.

Author koryuPosted on December 28, 2007Categories Home

На вчерашниот тренинг беа прогласени најдобрите ученици на Школото за
борбени вештини Пат кон Сонцето – Хомбу Доџо за 2007 година.
За својот труд, залагање, упорност, редовност и љубов кон вештината и
школото, пофалници добија учениците Марјан Прошев и Менка Стојаноска.
Со благодарница за помош и подршка на развојот на Буџинкан Нинџутсу во
Македонија се закити дизајнерот на нашата веб-страница, Игор Савиќ.
Наградата можеби за некого претставува само парче хартија, но за нас, тоа е огромно признание.
Веруваме дека наградените ќе продолжат со исто темпо и дека ќе им
претставуваат пример на останатите за тоа „како се бранат боите на
својот клуб“.

*****************************************************************

Заврши уште една година. Беше посветена на Кукишинден Рју. Од оваа дистанца можеме да ја оцениме како добра.
Организиравме два меѓународни семинари и неколку во природа (бајаги повеќе).
Во 2007 година, се запишаа над 50 кандидати, но бидејќи нинџутсу е
искрена вештина во која што опстануваат само најдобрите, најупорните и
најцврстите, од сите нив останаа само десетина. Најголем дел се
откажуваат уште на самиот старт, сакајќи преку ноќ да станат нинџи и да
работат напредни техники. Такво нешто постои само во филмовите со лоша
продукција.
Заминаа и дел од старите членови. Секој поради лични причини и обврски.  Секој со свој изговор. Така е секогаш во животот.
Од друга страна, се запишаа нови ученици кои го пополнија нивното место (не само во физичка, туку и во духовна смисла).
Во моментов нашето школо брои 21 редовни, а во секцијата во Битола вежбаат уште 5 ученици.
Во 2008 се надеваме дека нивниот број ќе се зголеми. И понатаму,
бројката не ни е важна. Ни требаат квалитетни и упорни луѓе, чесни и
одлучни. Имало моменти кога нашето школо броело по 90, но имало и
падови кога на тренинг доаѓале по тројца ученици. Денес имаме
прочистено една одлична група која можеме да ја наречеме дел од нашето
боречко семејство.
Одиме напред, во нови победи. Нинпо Иккан !

*****************************************************************

За време на новогодишните празници Школото за борбени вештини Пат кон
Сонцето – Хомбу Доџо ќе биде затворено само на 1 јануари, 2008 година,
додека останатите денови ќе одржува редовни тренинзи.
Ги повикуваме сите заинтересирани за нашата вештина да почнат да вежбаат со нас.
На сите наши членови и пријатели им посакуваме се најубаво во новата 2008 година. Нека ни е честит Божиќ !

Akemashite Omedeto Gozaimasu!