Author: koryu

Author koryuPosted on June 1, 2008Categories Home

– 7 јуни (сабота) / Таихен Џутсу, тренинг во сала
– 15 јуни (недела) / Нинџа Јуми Ја (лак и стрела), семинар во природа
– 22 јуни (недела) / Готон По (техники на исчезнување и избегнување), семинар во природа
– 6 јули (недела) / Суи Рен (обука во вода), семинар во природа

****************************************************************

– 1 и 2 ноември (2008) Шиханот Штефен Фролих  (15 дан) од Германија ќе
одржи семинар во Скопје. Како што вели тој самиот, „после убавите
зборови за квалитетната работа на Буџинкан Македонија од страна на Ед
Мартин Папа Сан и фалбите кои тој ги изрече за добрата организација на
неговиот семинар во Македонија, со задоволство доаѓам“.

* За сите семинари наскоро следуваат подетални информации.

Author koryuPosted on May 28, 2008Categories Home

Во рамките на нашите хуманитарни активности, помладите инструктори на
Буџинкан Македонија, Марјан Прошев и Марко Опачиќ, одржаа нинџутсу
тренинг во „Дневниот центар за децата од улица“ што работи во рамките
на Министерството за труд и социјална политика.
Станува збор за центар, во кој се згрижуваат воглавно деца од ромската
заедница, а за кои се грижаат три прекрасни наставнички-социјални
работници, кои секојдневно ги подучуваат младите ромчиња како да
читаат, пишуваат и бројат.
Беше прекрасно да се види насмевката на нивните лица за време на
тренингот, во кој навистина уживаа, со оглед на тоа што за прв пат се
среќаваат со боречка вештина од областа на самозаштитата. Марко и
Марјан се потрудија на детски начин да им објаснат за важноста на
физичката активност и нејзиното влијание врз нивното здравје, но и
важноста да се почитуваат постарите, да се збогатува знаењето и сл.
На крајот, беше договорено  во иднина да се одржат уште неколку тренинзи во „Дневниот центар за децата од улица“.

Author koryuPosted on May 19, 2008Categories Home

Меѓународниот нинџутсу семинар Таи Каи Македонија 2008, што се одржа
викендов во организација на Буџинкан Македонија, заврши подобро од
колку што се очекуваше. На семинарот учество земаа 34 учесници од
четири држави, и тоа, Америка, Унгарија, Црна Гора и Македонија.
Големиот американски мајстор, шиханот Ед Мартин попознат како Папа Сан,
и овој пат, успешно ја заврши својата работа. Цели два дена учениците
уживаа во неговите техники и во неговиот посебен начин на предавање
(куден), преку различни приказни и легенди.
Папа Сан пристигна во Скопје во четвртокот и уште вечерта присуствуваше
на регуларниот тренинг. Како што самиот кажа подоцна, тој сакал да види
на какво ниво е работата во Нинџутсу Сојузот Буџинкан Македонија. После
половина час внимателно набљудување, Папа Сан се придружи на тренингот
и започна со предавање на техниките од Кихон Хаппо, но овој пат,
прилагодени за лица кои не се во можност да употребат физичка сила.
На крајот од тренингот, шиханот го изрази своето големо задоволство од
нашата работа и квалитетниот пристап кон предавање на вештината.
Потоа тренингот продолжи во домот на главниот инструктор за Македонија, И. Довезенски, до неколку  часа после полноќ.
Навистина зачудува со колку голема љубов Папа Сан пристапува кон
нинџутсу. Во петокот, во текот на целиот ден, тој зборуваше, подучуваше
и покажуваше техники. На плоштадот во Скопје, како и секогаш, точно во
17.00 часот, Папа Сан ги изработи секојдневните Чи Кунг техники, при
што десетици заинтересирани лица се собраа и го гледаа стариот мајстор.
Семинарот во сабота започна со техники на одбрана од нож од различни
ситуации. Учениците навистина уживаа додека ги совладуваа техниките на
одбрана со ова опасно оружје. Се увежбуваа различни сценарија, како што
се, одбрана од еден или повеќе напаѓачи, ситуации со заложник, но и
одбрана од нож со нож. Вечерта, тренингот продолжи во клубот „Ла
Бруско“, каде што во интимна атмосфера со собраа поголем дел од
учесниците на семинарот, при што, со уживање ги слушаа раскажувањата на
стариот нинџа мајстор Ед Мартин.
Во текот на вториот ден, се вежбаа техники со ханбо (стап од 90 см), но
и техники на голорака одбрана при различни зафати, удари со раце и со
нозе.
Убавата атмосфера на семинарот е приказна за себе. Домаќините и гостите
постојано си помагаа во изведувањето на техниките, сите беа среќни и
одлично расположени.
За време на семинарот, инструкторот на Буџинкан Македонија, И.
Довезенски полагаше за 4 Дан, при што успешно положи. Повеќе за овој
настан можете да прочитате во „Списание“.
Тоа што најмногу не израдува, е фактот дека станавме толку силни и
посветени на вештината, што веќе сме способни и моќни да организираме
семинар со секој шихан што сакаме да не подучува.
Продолжуваме напред!

Author koryuPosted on April 25, 2008Categories Home

Bujinkan ninjutsu club Taiyou e no Michi (Pat kon Sonceto) announce:

Tai Kai ninjutsu seminar in Macedonia on theme:

Defence from knife and risky situations with the American ninjutsu grand master Edvard H. Martin known as Papa San(15th Dan).

Ed Martin Papa San sensei is one of the oldest students of Masaaki Hatsumi.

Although he is in his seventh decade he remains
active, and each year returns to Japan Hombu Dojo to practice with his
teacher. Because he is the oldest student in Bujinkan Dojo, soke
Hatsumi call him Papa San (father).

We invite you to take participation and learn more about one of the oldest art in Japan which was a mistery even for the Japanese.

The seminar is open for everyone regardless on what level is your knowledge.

This is maybe the only chance to meet, and to learn from the man whose high potential and energy has motivated number of  practitioners of martial arts from all around the world.

Be part of the history of Bujinkan Dojo.

Date: 17 – 18 May, 2008 year

Timetable:

   Saturday                                                              Sunday

10.00 – 13.00 training                            10.00 – 13.00 training

13.00 – 15.00 break                                13.00 – 15.00 break

15.00 – 18.00 training                             15.00 – 18.00 training

 Place: Dojo Taiyou e no Michi – Skopje – Macedonia

 Equipment: Hanbo, Boken, Tanto (only wooden are allowed)

Seminar tax:        50 euros until 01.05.2008

                               60 euros after 01.05.2008

 Informations: daito_macedonia@yahoo.com

Papa San web page: http://www.pennsylvaniabujinkan.com/

Papa san biography: http://www.pennsylvaniabujinkan.com/Ed/Sensi.htm

**********************************************************

Школото за борбени вештини Пат кон Сонцето ви најавува:

Таи Каи нинџутсу семинар во Македонија на тема:
 

Одбрана од нож и ризични ситуации со големиот американски нинџутсу мајстор Едвард Х. Мартин попознат како Папа Сан (15 Дан).

           Ед Мартин Папа Сан сенсеи е еден од најстарите ученици на
соке Масааки Хатсуми. Иако навлезен во 70-тите години од својот животен
век, тој се уште е активен вежбач и секоја година редовно го посетува
Хонбу Доџо-то во Јапонија со цел да учи и тренира со својот учител.
Бидејќи тој е најстариот член на Буџинкан Доџо, соке Хатсуми од милост
му се обраќа со Папа Сан (татко).

       Ги покануваме сите заљубеници во боречките вештини да
присуствуваат на овој несекојдневен настан и да научат повеќе за една
од најстарите вештини на Јапонија. Семинарот е отворен за сите-без
разлика на нивото на знаење, или, пак, на стилот. Ова е можност сите да
научиме малку повеќе за вештината која со векови била мистерија дури и
за самите Јапонци.

       Ова е можеби последна шанса за сите нас, да се запознаеме и да
учиме од човекот чија што огромна енергија е инспирација за многу млади
практичари на боречките вештини од целиот свет.

Не пропуштајте да бидете дел од историјата на Буџинкан Доџо.

Време: 17 и 18 мај, 2008 год.

Распоред:

          Сабота                                                  Недела

10.00 до 13.00 тренинг                         10.00 до 13.00 тренинг

13.00 до 15.00 пауза за ручек             13.00 до 15.00 пауза за ручек
       
15.00 до 18.00 тренинг                         15.00 до 18.00 тренинг

Место: доџо Пат кон Сонцето – Скопје – Македонија

Опрема: Ханбо, Бокен, Танто (само дрвени оружја се дозволени)

Цена: 50 евра семинарска такса до 01.05.2008, потоа 60 евра

Информации: daito_macedonia@yahoo.com

Веб страницата на Папа Сан: http://www.pennsylvaniabujinkan.com/

Author koryuPosted on April 21, 2008Categories Home

Нинџутсу Сојузот Буџинкан Македонија, вчера одржа уште еден успешен
семинар во природа на тема Укеми Гата Таихенџутсу (вештина на паѓање) и
Атеми но Танрен (зајакнување на ударните површини).
Семинарот се одржа на врвот на планината Липац, до каде што учениците
се искачија со полна „борбена“ опрема за релативно кратко време, што
зборува дека се работи за група која веќе има завидни психофизички
способности.
По искачувањето, учесниците беа вчудоневидени од убавината на Липац и
од неверојатниот пејсаж на околината. На врвот беше рамно, со расфрлани
огромни карпи наоколу, а тревата беше послана со разновидни билки и
цвеќиња, кои уште повеќе ја надополнуваа сликата. Од друга страна, од
врвот се гледаа сите околни ридови, кои пак, од таа висина изгледаа
рамни како тепсија, иако знаеме дека се терасесто поставени.
Тренингот започна со изведување на техники на паѓање, кои најпрвин се
работеа без партнер, а потоа истите се изведуваа преку Наге Ваза и
Гјаку Ваза.
Вториот дел на тренингот беше посветен на зајакнување на ударните
површини на телото, за што помогнаа околните дрвја и карпи, во кои
учесниците „немилосрдно“ удираа со делови од рацете и нозете.
Спуштањето низ планината беше исто толку интересно, бидејќи беше
избрана најстрмната страна на Липац, а малку подоле наидовме на стари
напуштени куќи од 18 и 19 век.

**********************************************************

Ве известуваме дека во текот на месецот мај, нема да се одржуваат
неделни семинари во природа, поради големиот семинар со шиханот Папа
Сан.
Сепак, ќе продолжиме со неделните тренинзи во доџо, а темата на истите ќе ви биде соопштувана за време на редовните тренинзи.

Author koryuPosted on April 15, 2008Categories Home

На 20 април (недела), Нинџутсу Сојузот Буџинкан Македонија ќе одржи
семинар во природа на тема Укеми Гата Таихенџутсу (вештина на паѓање) и
Атеми но Танрен (зајакнување на ударните површини).
Семинарот ќе се одржи на врвот на планината Липац, а дотаму ќе се
искачиме со комплетна опрема за во природа спакувана во ранци, со цел,
големата тежина да допринесе за подобрување на кондицијата (што значи,
колку потешко-толку подобро).

Тема: Укеми Гата Таихенџутсу и Атеми но Танрен

Ден: 20 април, 2008 година

Место: Ајдучки Кладенац

Програма:    08.00 часот – поаѓање од Скопје
                     09.00 часот – пристигнување
                     10.30 -16.00 часот – теоретски и практичен дел
                     16.30 враќање назад

Цена: 1.000 денари – во цената е вклучено: семинарска такса и превоз

Семинарот ќе се одржи без разлика на временските услови.

Author koryuPosted on April 14, 2008Categories Home

Во организација на Нинџутсу Сојузот Буџинкан Македонија, а во чест на
едногодишнината од формирањето на битолската секција на Школото за
борбени вештини – Пат кон Сонцето, вчера на една од падините на
планината Пелистер се одржа семинар на тема Шинкен Гата Таиџутсу.
На семинарот се обработија различни ситуации на реална голорака
самоодбрана, а на крајот, се вежбаа и неколку техники со меч (кен
џутсу) и со стап (ханбо џутсу).
Семинарот помина во одлична атмосфера, за што се погрижија членовите на
битолското доџо, но и учениците на Хомбу Доџо-то, кои дојдоа во голем
број со цел да им укажат чест на домаќините.
Што друго да се каже и како може да се доживее еден ваков настан, на
кој 17 луѓе, сите со една цел во срцето, за самоусовршување, се дружеа
неколку часа. Кога на едно место, ќе се соберат толку воини  (со
искрено срце – сеишин), сеќавањата остануваат врежани во меморијата
засекогаш.

п.с. Фотографии од семинарот во „Фотогалерија“ и колаж фотка во  „Семинари“

Author koryuPosted on April 4, 2008Categories Home

По повод едногодишнината од отварањето на битолската секција на Школото
за борбени вештини – Пат кон Сонцето, Нинџутсу Сојузот Буџинкан
Македонија организира еднодневен семинар на тема:

Шинкен Гата Таиџутсу (Реални борбени апликации)

Локација: Некаде под врвот на Пелистер
Датум: 13 Април
Цена: 500 денари
Време:
– 07.00 поаѓање од Скопје
– 10.00 средба со членовите од Битола
– 10.15 искачување на Пелистер
– 13.00 тренинг
– 15.00 симнување

Семинарот е отворен за сите !

Author koryuPosted on March 27, 2008Categories Home

Со задоволство сакаме да Ве информираме дека од почетокот на месец
април, во нашето Школо за борбени вештини – Пат кон Сонцето,
обезбедивме посебен термин наменет за тренинг со деца на возраст од 7
до 14 години.
Со оваа детска група ќе раководат помладите инструктори во Буџинкан
Македонија, Марјан Прошев и Марко Опачиќ, студенти на Факултетот за
физичка култура во Скопје.

Цената на тренинзите е 800 денари, а се одржуваат во деновите:

– вторник од 18.30 до 19.30

– четврток од 18.30 до 19.30

– сабота од 17.30 до 18.30

За сите информации можете да се обратите на:

070 645 593 (нон стоп)
077 586 472 (пон. – пет. од 09.00 до 15.00)

Повелете!

Author koryuPosted on March 23, 2008Categories Home

Позитивна енергија, одлична атмосфера и многу насмевки ја следеа
Работилницата за самоодбрана за жени што ја организираше Школото за
борбени вештини Пат кон Сонцето-Хомбу Доџо.
Припадничките на понежниот пол имаа можност да научат различни техники
на самоодбрана во секакви ситуации, но и од различни профили на
напаѓачи.
На работилницата учествуваше и една дама од Норвешка, со што, настанот доби и меѓународен карактер.
Беше преубаво да се вежба и да се биде дел од дружбата на
работилницата, а најголема награда за инструкторот беа насмеаните лица
и добрите резултати кои беа постигнати.
На крајот, сите учеснички се изјаснија дека со задоволство ја очекуваат
следната работилница на која ќе се обработуваат техники на самоодбрана
со предмети кои можат да се најдат во секоја женска чанта.

******************************************************************

Работилницата за самоодбрана за жени, прва од ваков вид во Македонија,
беше проследена со текст на цела страница во викенд додатокот во
најтиражниот дневен весник во нашата земја, „Дневник“. Целосното
интервју со главниот инструктор на Буџинкан Македонија можете да го
прочитате во „Списание“.