Автор: dovezenski

Author dovezenskiPosted on февруари 15, 2018февруари 19, 2018Categories Почетна

Под покровителство на Јапонската агенција за меѓународна соработка – JICA, како и на јапонската амбасада во Македонија, а на барање од Здружението МАК-ЈАМС од Скопје, Доџо-то за класични јапонски борбени вештини „Пат кон Сонцето“ организираше презентација (Ембу) на Буџутсу, Аикиџуџутсу и Нинџутсу (вештините).

Настанот се одржа завчера на Институтот за етнологија и антропологија при ПМФ – Скопје, во присуство на околу триесетина гости, меѓу кои и јапонскиот конзул во Македонија, неговата екселенција Тојоказу Кубота придружен од неговата прекрасна сопруга.

На демонстрацијата учествуваа водачот на доџо-то Игор Довезенски, како и членовите Марко Опачиќ, Зоран Тодоровски, Владимир Антовски, Благица Божиновска, Таки Гаковски и Сања Симонова. Тие пред присутните ги демонстрираа јапонските класични боречки вештини односно школи кои се вежбаат во „Пат кон Сонцето“ – Теншин Шоден Катори Шинто рју Буџутсу, Даито рју Аикиџуџутсу, Гјокко рју Кошиџутсу и Кото рју Коппоџутсу.

На крајот од настанот, за време на скромниот коктел, конзулот Кубота во разговор со Довезенски кажа дека досега никогаш не бил толку импресиониран од некоја Буџутсу демонстрација, особено нагласувајќи дека почустувал неверојатен судир на енергиите меѓу учесниците на демострацијата што го потсетило на „јапонските монаси-воини“ од средновековниот период.

Author dovezenskiPosted on јануари 28, 2018јануари 28, 2018Categories Почетна

Единаесет членови на Буџинкан Македонија се пријавија, а воедно и имаа чест да учествуваат на семинарот на кој се промовираше новиот слоган на системот Шиноби Таисо – „Движи за Хармонија®“.

На настанот што се одржа во скопското доџо на „Пат кон Сонцето“, на учесниците им беа презентирани најновите сознанија околу влијанијата на природните фрекфенции на планетата Земја врз луѓето, како и на електромагнетните загадувања кои го уништуваат човечкиот имунитет.

За време на семинарот, шидоши Довезенски ги запозна учесниците со древната практика на јапонските самураи на поврзување со природата преку Шинрин Јоку 森林浴 односно Капење (прочистување) во шумата.

Исто така, Инструкторот за прв пат ги презентираше старите традиционални техники за зголемување на телесната и менталната хармонија преку разни движења, но и начините на дишење и стимулирање на енергијата преку притисок и масажа на одредени делови на телото. Секако, не беа изоставени ниту техниките за намалување и елиминирање на болката во небалансираното тело.

Се на се, ова беше уште една нова можност членовите на Буџинкан Македонија да го големат своето знаење, но овој пат со техники кои навистина можат да се оценат како “повисоко ниво“.

Author dovezenskiPosted on јануари 18, 2018јануари 18, 2018Categories Почетна

Дали сте знаеле дека природната фрекфенција на планетата Земја е 7,83Hz? Или дека електро-смоговите (загадувањата) ја нарушуваат оваа природна фрекфенција која меѓудругото го одржува силен нашиот имунитет? А познато Ви е дека нашиот биолошки систем осцилира на оваа фрекфенција создавајќи хармонија со магнетниот систем на земјата односно со истата фрекфенција во која евоулуирал животот на планетава?

На семинарот насловен како „Движи за Хармонија“, шидоши Довезенски ќе ги обелодени сознанијата од истражувањата за тоа како јапонските воини во минатото се поврзувале со природата преку практиката наречена Шинрин Јоку 森林浴 односно Капење (прочистување) во шумата.

Истовремено, ќе бидат презентирани стари традиционални техники за зголемување на телесната и менталната хармонија преку разни движења, но и начини на дишење и стимулирање на енергијата преку притисок и масажа на одредени делови на телото.

Да не откриваме повеќе, Ве очекуваме на 27 јануари (сабота) во 11.00 часот во доџо-то на Буџинкан Македонија, да го споделиме знаењето кое уште повеќе ќе го подигне квалитетот на нашите животи.
Семинарската такса изнесува 500 денари, а собраните средства ќе бидат искористени во хуманитарни цели.

Author dovezenskiPosted on јануари 17, 2018јануари 18, 2018Categories Почетна

Воините на Буџинкан Македонија по осми пат покажаа дека се мајстори за преживување во природа, без разлика на теренот или на временските услови. На температура од нула степени целзиусови проследени со ветер и снег, членовите на доџо-то без никаков проблем излегоа на крај со студеното време кое како да сакаше да ги стави на тест сите учесници на овој традиционален семинар.

Во неделата Воините имаа можност повторно да ги изучуваат тајните на зимското преживување на ридестите терени, а за таа цел инструкторот Довезенски ги избра вулканските возвишенија на Орљак, место идеално токму за вакви семинари. Станува збор за ридови кои се прекриени со магматски карпи кои изобилуваат со ниска вегетација, при што речиси постојано се изложени на ветер. Без разлика на суровиот терен, учесниците за кратко време изградија засолниште доволно големо за да прими и згрижи во текот на ноќта осум лица. Интересно е да се спомене дека целата градба беше направена без употреба на вештачки врзивни и единствено со употреба на природни материјали.

За време на семинарот, шидоши Игор Довезенски одлучи да тестира двајца од своите ученици, при што им зададе задачи и сценарио, според кое поединечно и за неколку саати требаше да направат сопствени засолништа кои ќе бидат доволно квалитетни да овозможат безбеден неколкудневен престој. За жал, ниту еден од кандидатите не ги помина високите стандарди на доџо-то, иако еден од нив беше близу да го оствари тоа, па како награда доби можност следната година да го повтори тестот.

На крајот да кажеме и дека сме горди што на овој семинар учество земаа и тројца членови на детската група (Косара, Ксенија, Петар) кои рамнопарвно учествуваа и ги делеа обврските со нивните постари соборци и ниту еднаш не се пожалија на лошите временски услови во текот на целиот ден.

Author dovezenskiPosted on јануари 15, 2018јануари 16, 2018Categories Почетна

Вториот „Детски Нинџа Маратон“ повторно донесе радост и смеа на детските лица. Овој пат со нови техники и нови игри за нашите најмали членови.

На петчасовното дружење овој пат предаваа семпаи Таки Гаковски со асистенција на кохаи Филип Трајановски, како и водачот на Буџинкан Македонија, шидоши Игор Довезенски.

Последниот „Детски Нинџа Маратон“ за првото полугодие во 2018-та ќе се одржи во февруари.

Се гледаме повторно за еден месец!

Author dovezenskiPosted on јануари 2, 2018јануари 3, 2018Categories Почетна

Минатогодишниот Извештај го завршивме со прашањето: Дали и во 2017-та година ќе можеме да го одржиме епитетот „најдинамично европско доџо“, а истовремено по стоти пат ветивме и дека се додека нашите стапала ја газат оваа македонска земја, нашата љубов кон борбените јапонски класични вештини постојано ќе расте.

За ветувањето секако дека немаше никаква сомнеж дека ќе биде исполнето, бидејќи Воинскиот збор вреди повеќе од се на светот. А што се однесува до прашањето, со задоволство можеме да кажеме дека го добивме одговорот. И при тоа јасно и гласно сакаме да кажеме на цел глас: Го оправдавме епитетот!!! И не само тоа, туку постигнавме и нов рекорд!!!

Покрај секојдневните редовни тренинзи, дополнително организиравме, предававме и учевме на вкупно 38 семинари во текот на годината!!! Поедноставно кажано, во текот на месецот, најмалку три викенди ни биле предвидени и успешно реализирани за семинари.

Да одиме со ред и да Ви презентираме мал дел од тоа што сработивме во текот на изминатата година.

Поради предвидениот пат во Јапонија на шидоши Игор Довезенски во 2018-та, оваа година одлучивме да не организираме меѓународни семинари, туку ние да посетиме некои од нив. Така, во мај, инструкторот Довезенски заедно со својот асистент Опачиќ, учествуваа на тридневниот семинар што се одржа во главниот италијански град – Рим. На семинарот предаваше нашиот учител за Даито рју Аикиџуџутсу, шиханот Антонино Черта, при што ни пренесе нови техники од четвртиот каталог од оваа древна самурајска традиција.
Во декември, шидоши Довезенски замина за Белград (Србија) каде што учествуваше на специјален семинар со познатиот инструктор Марио Тополшек. За време на семинарот, Тополшек предаваше разни техники на дишење, на стимулирање на енергијата преку разни движења, потоа начини на канализирање на енергијата, како и техники на акупресура.

Што се однесува до семинарите на кои предаваше инструкторот Довезенски, листата изгледа вака: десет семинари за Даито рју Аикиџуџутсу, од кои шест во Хомбу и четири во доџото во Скопје. Седум еднодневни, како и девет интензивни Нинџутсу семинари во Хомбу. Десет во природа, од кои два сосема нови: „Најдолгиот Ден“ и „10.000 п.н.е.“

Покрај сите овие настани, вредат да се споменат и следниве: Водачот на Буџинкан Македонија им додели на шидоши хо Зоран Тодоровски и на шидоши хо Марко Опачиќ бронзени медали „Генин“, како признание за нивното десетгодишно редовно вежбање во доџо-то на Буџинкан Македонија; беше организиран првиот „Детски Нинџа Камп“ што отсега редовно ќе се одржува за нашите нај млади вежбачи; на декемвриското полагање добивме двајца нови носители на кафеав појас (1 кју – Михаил Дракалски и Таки Гаковски).

Мора да се спомене и најголемиот настан кој низ текот на годините се здоби со легендарен статус, а тоа е нашиот надалеку прочуен „Летен Нинџа Камп“, на кој инструкторот Довезенски, меѓу другите вештини предаваше и Каџутсу. Истовремено Довезенски вети дека на секој следен камп ќе предава по некоја тајна нинџутсу вештина од школата Тогакуре рју.

Што се однесува до јавните настапи на медиумите, оваа година Довезенски повторно беше интервјуиран од најпосетениот бизнис портал во Македонија (www.bi.mk)

На крајот, како и секоја година, упатуваме огромна благодарност до сите членови на Организацијата „Пат кон Сонцето“, а особено кон нашите ученици од Буџинкан Македонија, кои со своето неуморно залагање овозможија повторно да уживаме во зачудувачкото патување низ светот на традиционалните јапонски боречки традиции (Корју Буџутсу).

Не ветуваме и не најавуваме ништо за 2018-та, бидејќи сме повеќе од сигурни дека што и да ветиме во однос на Нинџутсу или Буџутсу – ќе оствариме.

Пат кон Сонцето. Легендарно Доџо – сложно семејство. Буџинкан Македонија. Во крвта – засекогаш!!!

Нинпо Иккан!!!

Author dovezenskiPosted on декември 24, 2017јануари 2, 2018Categories Почетна

Инструкторот на Буџинкан Македонија, Игор Довезенски, заедно со својот ученик и член на Даито рју Македонија, Ангел Миланов, викендов учестуваа на семинар воден од легендарниот балкански боречки уметник – Марио Тополшек. Настанот се одржа во Белград, Република Србија, а на него учествуваа над 80 луѓе.

Сите кои се родени во седумдесетите години на минатиот век, многу добро се сеќаваат на мајсторот Тополшек. Тој е роден 1942 година во Загреб, а на јавноста најмногу и е познат како човекот кој од Окинава во Европа го донесе силниот стил на Карате – Уечи рју.
Марио Тополшек исто така е еден од одговорните за почетоците на кинеските вештини Чи Гонг и Таи Чи Чуан на балкансите простори. Секако, неизбежен е фактот и дека тој е еден од првите автори на книги за боречки вештини на Балканот, како и првиот автор кои напиша книга за нинџутсу во поранешна Југославија.
Основач е на Европската Уечи рју Карате Федерација, како и на Интернационалната Таичигонг Академија со седиште во Прага (Чешка Република).

Токму поради сите овие заслуги, но најмногу поради книгите со кои растел во детството и оставиле силен печат, Довезенски отпатува за Белград и како единствен странец на семинарот го испочитува човекот кој врежа неизбришлива  трага во развојот на многу генерации Будоки родени во тоа време. При разделбата, Тополшек му ја подари на Довезенски својата последна напишана книга.

Уште да напоменеме дека за време на семинарот Тополшек предаваше разни техники на дишење, на стимулирање на енергијата преку разни движења, потоа начини на канализирање на енергијата, како и техники на акупресура.
Сетоа тоа знаење ќе биде искористено и засекогаш сочувано како нешто вредно кое треба и понатаму да се пренесува на генерациите кои доаѓаат.

Author dovezenskiPosted on декември 11, 2017декември 11, 2017Categories Почетна

Вчера се одржа семинарот насловен како „Одбрана од напад со нож“, при што учество земаа 12 членови на Буџинкан Македонија.

После минатомесечниот семинар за борење во ситуација кога двајцата опоненти поседуваат исто оружје, неминовно беше да се одржи и овој – кога жртвата е голорака.

За време на настанот се вежбаше самоодбрана од разни ситуации, како што се напади со нож од различни правци, како и техники кога противникот се заканува со ова опасно оружје држејќи го потпрено и подготвено на некој дел од нашето тело.

На крајот од настанот учениците на Буџинкан Македонија дојдоа до заклучок дека ваквите семинари за самоодбрана при напад со нож треба што почесто да се одржуваат, токму поради потребата и опасноста што ја носи денешницата.

Author dovezenskiPosted on декември 11, 2017декември 11, 2017Categories Почетна

Завчера во доџото на Буџинкан Македонија во организација на секцијата „Нинџа Клинци“ се одржа првиот детски нинџа маратон.

Овој настан редовно ќе се повторува еднаш месечно во текот на зимските месеци (ноември, декември, јануари и февруари), при што најмладите наши вежбачи од двете групи ќе можат да се дружат меѓу себе преку тренинг и преку забава.
Самиот настан е замислен да трае пет саати, а дечињата ќе ги подучуваат неколку инструктори на Буџинкан Македонија, кои покрај боречки, ќе им предаваат и некои други јапонски вештини, како што се оригами, чадо, шодо, итн.

На првиот „Детски Нинџа Маратон“, учество земаа шидоши хо Марко Опачиќ кој предаваше техники за самоодбрана за деца, потоа шидоши Игор Довезенски, кој ги подучуваше Таихенџутсу, потоа семпаи Таки Гаковски кој предаваше за Оригами, како  и кохаи Сања Симонова и кохаи Филип Трајановски кои беа во улога на асистенти.

Следниот маратон ќе се одржи во текот на месецот јануари.

Author dovezenskiPosted on декември 4, 2017декември 4, 2017Categories Почетна

Членовите на нашето доџо, како и некои наши пријатели кои имаат желба да научат како да си помогнат себе си и да им помогнат на другите, учествуваа на денешната нова едиција на Шиноби Таисо.

Инструкторот Игор Довезенски токму така го најави овој семинар, бидејќи покрај основните техники од Џунан Таисо, за прв пат јавно демонстрираше и техники од Ки Ундо (третото ниво на Шиноби Таисо).

Учесниците  имаа можност да го зголемат своето знаење од областа на акупунктурните точки, јапонската масажа, како и од манипулциите на скелетот со цел да ги корегираат неправилностите настанати при неправилното држење на телото.
Покрај ова се повторија и веќе добро познатите вежби за враќање на рамнотежата во мускулите.

Ова беше уште еден преубав ден исполнет со многу љубов, знаење и позитивна атмосфера во доџото.