Категорија: Почетна

Категорија news

Одржан семинарот за почетници „Будо но Кисо“

Author koryuPosted on Categories Почетна

Инструкторот на Буџинкан Македонија, Игор Довезенски, со помош на својот асистент Марко Опачиќ, успешно го завршија семинарот за почетници Будо но Кисо. Како што самиот наслов кажува, за време на настанот учениците имаа можност да ги проучуваат основните принципи на боречките вештини, преку вежбање на две кати од секоја школа што се изучува во Организацијата „Пат кон Сонцето“.

Семинарот започна со демонстрација на две кати од школите за мечување Теншин Шоден Катори Шинто рју и Оно ха Итто рју (Такеда-ден), а потоа продолжи со вежбање на катите Нуките Дори и Тачи Ери Дори од традицијата на Даито рју Аикиџуџутсу. 
Тренингот продолжи со катите Геккан и Шинкен од Шинден Фудо рју Дакентаиџутсу; Дан Ши и Кето (хенка) од Гјокко рју Кошиџутсу; Јокуто и О Гјаку од Кото рју Коппоџутсу; До Гаеши (хенка) и Касуми Дори од Такаги Јошин рју Џутаиџутсу и Хидари уде Тонсо но Ката и Миги Тонсо но Ката (хенка) од Тогакуре рју Нинпо Таиџутсу. 
Сите почетници и помлади ученици се потрудија да „впијат“ колку што можат повеќе од богатото искуство на шидоши Довезенски, со цел да ги разберат најважните елементи од борбените школи кои во иднина ќе треба поединечно да ги изучуваат.

Шошинша и Кохаи семинар „Будо но Кисо“

Author koryuPosted on Categories Почетна

Водачот на Организацијата за изучување на јапонски традиционални борбени вештини – Пат кон Сонцето, Игор Довезенски, ќе одржи еднодневен семинар за почетниците и за помладите ученици. Целта на овој настан ќе биде запознавање со школите кои што се изучуваат во нашето доџо, преку вежбање на основите.

На семинарот, учесниците ќе имаат можност да поставуваат прашања поврзани со традиционалните рју-ха кои шидоши Довезенски ги „донел“ во Македонија и ги направил достапни за сите заинтересирани во земјава.
 
Ден: 16 февруари (недела), 2014
Време: 11:00 – 15:00 часот
Котизација: 300 денари 

За кохаи-те кои подучуваат во детската секција Нинџа Клинци, семинарот ќе биде бесплатен. Собраните средства ќе бидат искористени за набавка на опрема за доџо-то.     

„Харагеи“ семинар во природа

Author koryuPosted on Categories Почетна

Хара ( 腹 ) е јапонски збор за стомак, додека Геи ( 芸 ) означува уметност. Меѓутоа, во боречките вештини зад овој збор се крие комплетен принцип на внатрешна и надворешна комуникација преку самоспознавање и навремено откривање на промените кои се случуваат наоколу. Учителите за Зен, со векови наназад подучуваат дека дишењето со Хара (стомак) го чисти умот од секакви мисли и овозможува поглед длабоко во себе. Токму тоа согледување на внатрешните и на надворешните промени, се верува дека на воинот ќе му овозможи навреме да ја препознае опасноста и истовремено да реагира. Ваквиот тренинг за култивирање на внатрешната енергија, познатиот зен-монах Такуан Сохо го нарекувал „вежба на неподвижниот ум“. 


Замислете ситуација, Вие и Вашиот противник сте одалечени два метра еден од друг со вперени катани во срцата. Тензијата се зголемува и само еден погрешен здив или едно трепкање со окото може да Ве дели од животот и смртта. Да го препознаете нападот, да го почуствувате моментот кога треба да се реагира е од клучно значење. 

На 23 февруари, шидоши Игор Довезенски ќе одржи семинар во природа, на кој ќе се вежбаат техники за харагеи. Досега, овие вежби беа достапни само за понапредните ученици и се работеа за време на прочуените Летни Нинџа Кампови организирани од страна на Буџинкан Македонија. Сега, инструкторот Довезенски ќе ги предава овие техники за сите наши членови кои сакаат да ги научат и да ја зголемат својата борбена вештина. 

Ден: 23.02.2014 (недела)

Место: Еленачки Кладенац

Програма:

08.00 часот – поаѓање од Скопје

09.00 часот – пристигнување

09.00 – 16.00 часот – теоретски и практичен дел

17.00 – враќање назад 

Семинарот е отворен  само за членовите на Пат кон Сонцето, но може да се присуствува на истиот и со препорака од инструктор кој негува пријателски врски со нашето доџо. Прашања и пријавување на и-мејл, на телефон, во доџо или на Форум.

Одржан Семпаи Кеико

Author koryuPosted on Categories Почетна

Овој пат место извештај за семинарот „Семпаи Кеико“, пренесуваме дел од мејлот испратен од шидоши хо Марјан Прошев. 

„Многу ми се допадна и целосно ја подржувам идејата за одржување на семинари за семпаи. Сиот тој интензитет на вежбање и
надоградување на нашата техниката, како и
одличната атмосфера, беше добро навраќање на деновите кога нашата генерација не пропушташе ниту еден тренинг. И ние кога почнавме, не се разликувавме
од почетниците кои денес вежбаат во доџо-то и даваат се од себе. Како што напредувавме, се повеќе се пронаоѓавме во вештината  и секој од нас го добиваше тоа што го бараше. 

Жал ми е што денес некои од постарите членови, меѓу кои сум и јас, не се толку активни како порано. Поминавме многу години заедно и денес сите чекориме по својот Пат. Знам дека сите се
обидуваме да го следиме вистинскиот Пат, но за жал не можеме сите да се одржиме на него. Овој семинар ме потсети на тоа како беше некогаш. Се докажа дека и покрај се, со
луѓето со кои си поминал многу години во тренинг, семинари и кампови, се изградила меѓусебна почит. Кога после подолг временски период ќе се сретнеш во доџо со тие исти луѓе, се уште се чувствува почитта што секој ја има заслужено. Привилегијата да вежбаме корју ја добивме, а почитта треба самите да ја
стекнеме. Мислам дека тоа е лекцијата што младите членови треба  да ја научат. Повеќето од нив се надежни и горе-долу на иста возраст, а секој сака да
биде над другиот. Тоа може да донесе само проблеми и ништо повеќе. Мило ми е што гледам се повеќе млади кои се подготвени да
го прават тоа што ние го правевме“. 

Семпаи Кеико

Author koryuPosted on Categories Почетна

Инструкторот на Буџинкан Македонија, Игор Довезенски, на 2 февруари ќе одржи семинар за сите постари ученици во доџо-то, на тема: Шинден Фудо рју Дакентаиџутсу. Тоа значи дека на настанот можат да учествуваат само тие кои имаат звање семпаи односно степен од 2 кју (па нагоре).

За време на настанот ќе се одржи и подготовка за претстојното полагање на семпаи Зоран Тодоровски за мајсторско звање – шодан (1 дан). 

Ова ќе биде одлична можност за сите наши постари членови да го усовршат своето знаење, а воедно и да ги испробаат своите техники без страв за безбедноста на почетниците или со еден збор (по нашки) да се „излупаат на раат“.

Ден: 02 февруари, 2014
Време: 11:00 – 15:00 часот
Котизација: бесплатно  

Одржан четвртиот по ред „Зимски Нинџа Тренинг“

Author koryuPosted on Categories Почетна


На четвртиот по ред „Зимски Нинџа Тренинг“, двајца од учениците на шидоши Игор
Довезенски беа тестирани за познавањето на вештините за преживување во зимски
услови. При тоа, шидоши хо Марко успешно го положи тестот и се здоби со сертификат, со што се потврдува неговото знаење и од оваа ообласт.

Пред започнувањето на семинарот, сите учесници беа поделени
во два тима, со кои раководеа шидоши хо Марко Опачиќ и кохаи Тодор Ангеловски. Потоа им беа дадени насоки и задачи кои требаа да ги исполнат во рок од шест часа. На крајот, шидоши Довезенски ги оценуваше водачите по 17 критериуми за изградба на
засолниште, изработка на оружје и замки, како и познавање на околината и природата околу себе. Потоа следеа 10 прашања, по што се собраа бодовите кои го покажаа нивото на знаење кај учесниците.

Иако кохаи Тодор Ангеловски не собра доволно бодови за да го положи тестот, сепак покажа одлични познавања на вештините за зимско преживување, а со оглед на неговите години и младост, како и темпото со кое ги изучува техниките, сигурни сме дека на следното тестирање ќе покаже одлични резултати.

По завршувањето на семинарот, шидоши хо Марко, на интерниот Форум, го објави следниот текст:

„Мислам дека не постои сертификат, диплома или појас кои се поголеми од зборовите на Сенсеи дека е задоволен од своите ученици. Ова е доказ дека претходните учества на семинарите не биле залудни, дека жртвувањето и трудот се исплателе и дека одредени ученици будно го следеле секое негово предавање.

Искрено, пред започнувањето на настанот имав мал страв од тоа да не го разочарам Сенсеи, особено што сум единствен со ’три зимски преживувања’ и особено што на семинарот присуствуваа ученици кои почнаа кај мене да ги изучуваат вештините. Оттука,
не сакав ниту нив да ги разочарам. Неколку дена претходно ги проучував белешките што сум си ги пишувал и мислам дека сето тоа вроди со плод. Добро се организиравме со моите помошници, послушноста и трудот им беше на завидно ниво во текот на целиот ден и дури им оставив многу важни работи да сработат, за да
видам како ќе се снајдат. Презадоволен сум од сите нив. Сенсеи потоа не оценуваше и ни посочуваше на недостатоците. Секако, ги имаше многу. По оценувањето, нашиот ’клан’ го доби сертификатот. Не велам дека е мој, затоа што без моите помошници немаше да дојдам до него. Михаил се повеќе навлегува во вештината, Мони веќе заличува на водач, а за Јован ова беше
одличен показател каде треба да се движи. Им благодарам. Честитки и за Тоше и за неговиот тим. Сега знае каде му се грешките и сигурен сум дека следниот пат ќе „растури“. Интелегентен е, но му недостасуваше искуство.

За Сенсеи незнам што да кажам, мислам дека е повеќе среќен за постигнатото од сите
нас. Не застануваме тука. Имаме уште за учење, уште многу работи за кои Сенсеи
ни посочи дека погрешно сме ги направиле, а тоа е одлична мотивација за следната година да бидеме уште подобри. Неговото учење е темелно, со многу примери, а истовремено е забавно, критички, разбирливо, поучно и најважно од се
– корисно. Беа потребни четири години за да ги совладам основите за зимско преживување. На почетокот учествуваш, следиш и помагаш. Потоа се обидуваш нешто и самиот да изработиш (засолниште, да запалиш оган, да изработиш замка). Тоа е
единствениот Пат и единствениот начин. Се гледаме следната година повторно. Честитки до сите што учествуваа, а до Сенсеи голема благодарност за подучувањето денес и за сите изминати години. Осу!!!“

Начини на Преживување во Природа IV / Зимски Нинџа Тренинг

Author koryuPosted on Categories Почетна

Првиот семинар на отворено во новата година, воините на Буџинкан Македонија ќе го одржат на 19 јануари на тема: „Начини на преживување во природа“. Овој четврти по ред настан, познат уште под името „Зимски нинџа тренинг“, ќе биде своевиден тест за оние што неколкупати биле на претходните. Според договорот од минатата, оваа година учесниците ќе бидат поделени на тимови предводени од еден ветеран и двајца помошници, кои ќе имаат задача да изградат засолниште односно да го подготват местото за преноќување и преживување во текот на студената зимска ноќ. Помошници ќе бидат оние кои досега само еднаш земале учество на семинарот. На крајот, шидоши Игор Довезенски ќе ја оцени работата на сите тимови, а водачот на победничкиот тим ќе добие сертификат за успешно помината обука за зимско преживување.

Додека тимовите работата на теренот, Довезенски ќе раководи со обуката на почетниците. 

Една недела пред семинарот, лидерите на тимовите ќе добијат брошура во која ќе бидат содржани сите потребни техники, а која ќе треба да ја научат со цел полесно да одговорат на поставените прашања од страна на инструкторот.   

Потребна опрема за водачите: нож, коноп долг три метри, парче памук и кремен. Доколку некој има проблем со набавката на потребната опрема, слободно нека се обрати до доџо-ти за да му се излезе во пресрет.  

Предупредување: температурите најверојатно ќе бидат во минус. Теренот е отворен и ветровит. Присуство на диви животни во овој период од годината е нормална појава. Најмалку седум часа без престан ќе бидете изложени на екстремно ладно време. Секој доаѓа на сопствена одговорност.

Понесете со себе топла облека.

Ден: 19.01.2014 (недела)

Место: Млака

Програма:

08.00 часот – поаѓање од Скопје

09.00 часот – пристигнување

09.00 – 16.00 часот – теоретски и практичен дел

17.00 – враќање назад 

Оваа година семинарот е отворен  само за членовите на Пат кон Сонцето. Прашања и пријавување на и-мејл, на телефон, во доџо или на Форум.

Извештај за 2013 година

Author koryuPosted on Categories Почетна
Во минатогодишниот извештај, споменавме дека за прв пат од основањето на нашата организација не сме 100% задоволни од нашите резултати. Тоа се должеше на фактот што неколку напредни ученици се откажаа од тренингот и заминаа од нашето доџо. Долгогодишното вежбање и дружење со членовите, резултира со емотивно поврзување, а потоа и тага кога тие ќе одлучат да заминат.
 
Но, изгледа конечно го надраснавме тоа. Пораснавме и сфативме дека не може секој до крај да опстои на Патот. Сфативме дека не треба да жалиме по тие кои си заминуваат, туку да се радуваме на тие кои продолжуваат да чекорат рамо до рамо со нас. Да ги делат среќните и тажните моменти кои се случуваат во доџо-то. На крајот на краиштата, се покажа и дека многумина кои заминале, повторно се враќаат меѓу нас и продолжуваат по Патот.
  
Годинава што измина, беше неверојатно успешна за Организацијата за изучување на јапонски класични борбени вештини „Пат кон Сонцето“.
 
Ќе почнеме со организирањето на меѓународните настани во нашата земја. На наше големо задоволство, во неколку дневна посета беше нашиот учител за Даито Рју Аикибудо, шиханот Антонино Черта. Тој одржа семинар во доџо-то под Липац и со тоа стана првиот корју – мајстор кој подучувал во нашето Хомбу. Што со однесува до случувањата поврзани со Европската Даито Организација (European Daito Kai), инструкторот Игор Довезенски на почетокот на годинава беше назначен за одговорен за ширењето и подучувањето на Даито рју Аикиџуџутсу на територијата на Југоисточна Европа, како и шибу чо (водач на огранокот) во Македонија. Исто така, тој положи за мајсторско звање (шодан) и се здоби со титулата Шидоин. 
На почетокот на годината, инструкторот Игор Довезенски беше на еднонеделна обука во Амстердам (Холандија) и стана личен ученик на шидоша Ерик Лоув. Инаку, сенсеи Лоув е еден од првите нејапонски мајстори на најстарата јапонска боречка школа, Теншин Шоден Катори Шинто рју.  Во септември, Довезенски положи крвна заклетва (кеппан) пред главниот шихан за оваа древна вештина, Нобутоши Отаке, а со дозвола на сенсеи Лоув, ја отвори првата секција за Катори Шинто рју во Македонија и на Балканот. 
Што се однесува до домашните семинари, оваа година „растуривме“. Сите три доџо-а на Пат кон Сонцето, организираа вкупно 21 семинар на кои шидоши Довезенски несебично го предаваше своето знаење на учениците. Од нив, шест се одржаа во скопското доџо, девет беа интензивни во Хомбу и шест беа во природа. Покрај ова, Довезенски ја одржа и традиционалната Работилница за самоодбрана за жени, а секако, значајно место зазема и одржувањето на Летниот Нинџа Камп. 
Оваа година за последен пат ги одржавме нашите надалеку прочуени подвизи „Преживување во Природа“ и „Патот на Шугенџа“. Одлуката да бидат последни беше тешка, но мораше така да биде. Од друга страна, тие ќе бидат заменети со нови настани кои ќе дадат нов дополнителен импулс во нашата работа.
Од другите настани вреди да се спомене и семинарот организиран од страна на Клубот за мешани боречки вештини (ММА) – „Стршлен“, на кој инструкторот Игор Довезенски подучуваше за Нинпо Не Ваза системот. Соработката со нив ќе продолжи и во иднина, а Довезенски и понатаму стои на располагање на сите практичари на боречките спортови кои сакаат подобро да се запознат со класичните јапонски боречки вештини (корју).
 
За време не декемвриското полагање, 14 ученици положија за повисоко звање. За прв пат беше организирано полагање за деца, на кое Косара Д. и Ксенија Д. успешно положија за 10 кју, а Буџинкан Македонија доби и нов семпаи (Тина Д.). 
И оваа година имавме неколку покани за гостување во јавните медиуми, но проценивме дека истите не се најсоодветни за претставување на нашата работа, па ги одбивме. Присутни бевме единствено во неколку веб-портали, кои се занимаваат со теми од областа на здравата исхрана и спортот. 
На крајот уште да го споменеме пуштањето во употреба на нашата нова веб-страница www.koryu.mk, како и редизајнот на веб-страниците www.bujinkan.org.mk и www.daito.koryu.mk.

Тема во Буџинкан Македонија за 2014 година ќе биде школата Кото рју Коппоџутсу. Имаме многу планови за во новата година и се надеваме дека со напорна работа и посветеност, ќе успееме да ги реализираме. 
Нинпо Иккан. Среќна Нова 2014 година !!! 

Одржан последниот семинар за оваа година

Author koryuPosted on Categories Почетна
Вчера во скопското доџо на Буџинкан Македонија се одржа последниот семинар за оваа година, на тема: „Шинкен Гата Чика Мааи Хеихо“ или во слободен превод: „Стратегија за блиска борба“. На семинарот учествуваа 14 наши членови кои пет часа без престан ги вежбаа овие брзи и динамични техники.
По завршувањето на семинарот, учесниците ги споделија своите впечатоци, па еве Ви пренесуваме мал дел од нив:
– После овој семинар, крвта со часови не престана да врие во жилите – Зоран Т.
– Семинарот беше исполнет со позитивна енергија и страст за повеќе знаење. По завршувањето се чуствував среќен и целосно исполнет – Таки Г.
– Овде зборуваме за тренинг, за желба и насмевки и по пет часовно удирање, паѓање, фрлање. Зборуваме за дисциплина и послушност, за почит кон постарите и помладите. Зборуваме за учител кој без грешка ги изведува техниките и кој будно го следи секој наш удар, блок и однесување. Зборуваме за среќни, насмеани, весели и енергични луѓе, за едно големо семејство. Со вакви ученици, со ваков тренинг, со ваков учител, добриот семинар е неизбежен – Марко О.
– Одличен семинар како и секогаш. Пет часа жесток тренинг, потење, удари, блокови, ослободувања, соборувања, контрола и се по ред. Борба со противник и контролирање на ситуацијата околу себе. Сите што присуствуваа се внесоа максимално во секоја техника, од почетниците до постарите, а кога ќе се внесеш така во тренингот, тие пет часа поминуваат како пет минути – Влатче А.
– Нема сл’нце ваадан, ама денот убав беше и убаво се испотиме. Сенсеи најголемо благодарам за прекрасниот крај на 2013 година – Ристо Рики Разбираш (Богданци).
– Семинарот беше неверојатно добар, многу научивме, нешто повторивме и се што вежбавме гледав да го направам колку што е можно подобро. После првите два часа, концентрацијата малку ми се намали и добив 5 – 6 удари по телото, но набргу се повратив назад. Се заблагодарувам за семинарот. Кога би можел да ја бирам следната тема, би одбрал нешто слично, повторно да се истепаме и истраскаме – Михаил Д. 
– Ова е наш втор семинар и навистина си поминавме прекрасно. Особено ни се допаѓа пријателскиот однос и посветеноста кај учесниците. Единствена наша забелешка е што би сакале уште почесто да се организираат вакви настани – Маја и Ангела. 

Шидоши Довезенски одржа Нинпо Не Ваза семинар за ММА борците од клубот „Стршлен“

Author koryuPosted on Categories Почетна

На покана од тренерот на ММА клубот „Стршлен“, д-р Синиша Стојаноски, инструкторот Игор Довезенски денес одржа целодневен семинар за Нинпо Не Ваза. На семинарот се обработуваа техники за позиционирање на земја, транзииции, техники на контрола, техники на давење, како и техники на лостови на зглобовите на противникот. 

Инаку, шидоши Довезенски отсекогаш имал почит кон дисциплината и вољата за тренинг на борците на мешаните боречки вештини и досега помагал на неколкумина поединци кои сакале да го зголемат своето знаење и да ја подобрат својата техника и вештина. Меѓутоа, со овој семинар, за прв пат беше остварена клупска соработка и претставување на традиционалните јапонски боречки вештини и можноста истите да се употребат во обуката на ММА борците. 

За време на тренингот, членовите на клубот „Стршлен“ максимално се трудеа да ги „впијат“ техниките кои им беа покажани, а при тоа им асистираа и двајца ученици на Буџинкан Македонија. Иако, првиот саат од тренингот помина со мала доза на недоверба, како што изминуваше времето, учесниците почнаа се повеќе да покажуваат респект, за на крајот целиот семинар да заврши во одлична пријателска атмосфера. Дружењето беше прекрасно, а бариерата срушена целосно, со што се отвори пат за понатамошна соработка.  

По завршувањето на семинарот, тренерот Стојаноски изрази благодарност за несебичното пренесување на знаењето од страна на инструкторот на Буџинкан Македонија, а шидоши Довезенски им посака успех на членовите на „Стршлен“ на претстојните турнири.  
Повеќе информации за ММА клубот „Стршлен“ можете да најдете на нивниот официјален Фејсбук профил, а доколку сакате да остварите директен контакт со нивниот тренер, можете да го сторите тоа тука:
Повеќе информации за Нинпо Не Ваза можете да најдете на линкот: http://hombu.koryu.mk/article/show/451