Гјокко рју Кошиџутсу семинар

Posted on Categories Почетна

Семинар посветен на школата Гјокко рју Кошиџутсу се одржа вчера во скопското Доџо на Буџинкан Македонија. На настанот учествуваа членови од сите возрасти и звања.

Учителот Игор Довезенски ги предаваше катите од второто ниво на вештината – Чурјаку но Маки, а учесниците видно уживаа во техниките на оваа древна нинџа школа.

Следниот Нинџутсу семинар, ќе биде на темата Кото рју Коппоџутсу.

Интензивен Нинпо Не Ваза тренинг

Posted on Categories Почетна

Во саботата во скопското Доџо на Буџинкан Македонија се одржа интензивен Нинпо Не Ваза мастер клас со учителот Игор Довезенски.

Тренингот беше одржан специјално за членовите кои се посебно заинтересирани и за аспектите на борба на земја.

По завршувањето на сесијата, учесниците го изразија своето огромно задоволство од наученото и побараа од учителот редовно и барем еднаш неделно да се одржуваат Нинпо Не Ваза интензивни тренинзи.

Одржан Шиноби Таисо® семинар за инструктори

Posted on Categories Почетна

Специјален Шиноби Таисо® семинар за инструктори се одржа денес под водство на водачот на системот – Игор Довезенски.

На настанот учествуваа лиценцираните учители кои имаат дозвола да го предаваат системот, а сите тие одлично го надоградија и го зголемија своето знаење за јапонската јога.

Инструкторите кои се обучени за Шиноби Таисо®, одржуваат часови низ разни македонски компании кои вложуваат во здравјето и задоволството на своите вработени, а дологодишната соработка со нашиот тим само го докажува квалитетот на системот создаден од страна на Игор Довезенски, врз база на неговото 40-сет годишно искуство во јапонските традиционални боречки вештини.

Детски Нинџа Самит IV

Posted on Categories Почетна

Четвртиот по ред Детски Нинџа Самит се одржа во саботата во скопското Доџо на Буџинкан Македонија, со што почна сезоната на зимски семинари и за членовите на групата Нинџа Клинци.

Овој пат на настанот учество земаа 24 дечиња кои цели четири саати уживаа во многуте игри наменети за развој на нивната моторика, како и за правилниот развој на телото. Покрај тоа, се вежбаа и техники на самоодбрана прилагодени за нивната возраст, а не’ изостанаа и предавањата кои се конципирани на начин да се развие и потикне размислувањето односно мозочната активност.

Следниот Детски Нинџа Самит ќе се одржи за еден месец.

Тогакуре рју Шурикен

Posted on Categories Почетна

Во дворот на Хомбу на Буџинкан Македонија, вчера се одржа четиричасовен Тогакуре рју Шурикен семинар, при што учениците на учителот Довезенски имаа можност да ги научат или повторат техниките за гаѓање на Бошурикени од оваа древна нинџутсу школа.

За време на настанот, се вежбаа техники на гаѓање од стоење, седење, со трчање и извртување на телото, а учесниците пополека почнуваат да ги совладуваат начините од Тогакуре, кои навистина се едни од најтешките од сите останати рју-ха.

Готон По

Posted on Categories Почетна

Користењето на петте елементи во природата како начин за бегство (Готон По), беше темата на саботниот семинар што се одржа во шумата Млака, во близина на Хомбу Доџото на Буџинкан Македонија. Покрај членовите на нашето доџо, на семинарот присуствуваше и учесник од Република Србија.

Покрај деталното предавање за техниките и начините на користење на Готон По, учителот Довезенски демонстрираше, а потоа беа и вежбани неколку начини на криење и камуфлирање со употреба на Мокутон но Џутсу.

Петтиот БуЈуКаи успешно завршен

Posted on Categories Почетна

Меѓународниот пријателски семинар, познат под името БуЈуКаи, по петти пат го потврди традиционалното пријателство меѓу членовите на Буџинкан Македонија и Буџинкан Турција.

Овој пат настанот се одржа во градот на Босфорот, во градот распослан меѓу два континенти – Истанбул. На семинарот учествуваа четириесетина учесници од Македонија, Турција, Бугарија и Иран, кои неуморно учеа техники од инструкторите Игор Довезенски и домаќинот Ерџан Шарбат.

Покрај тренинзите, секако не изостанаа и одличните дружби што секојпат ги следат меѓународните семинари, како и прошетките низ градот, со цел подобро да се запознае културата и историјата на земјата организатор.

Одржан Иаиџутсу семинар

Posted on Categories Почетна

Вчерашниот викенд беше посветен на вежбање како брзо да се извлече мечот од корицата и да се исече истовремено или со еден збор – Иаиџутсу.

Преубавото време, ноќите со полна месечина како и сигналите на природата дека есента се ближи, сето тоа допринесе за една посебна атмосфера за време на семинарот посветен на јапонскиот меч.

Се вежбаа Иаи и Батто техники  од неколку школи чиј претставник за Македонија е учителот Игор Довезенски, а учесниците покажаа огромен интерес и со уживање ги впиваа лекциите од инструкторот.

Со доаѓањето на есента, се ближи и денот кога годишната сезона на семинари во Хомбу ќе се затвори, а остануваат уште најмалку два настани во стожерното доџо кои треба да стават печат на сезоната.

Тим Билдинг во Хомбу

Posted on Categories Почетна

Првата Јапонска зен градина во Македонија заедно со проектот „Нинџа Село“ се’ повеќе го будат интересот кај Македонците за посета на ова преубаво и уникатно место.

По едногодишна соработка односно давање часови за Јапонска Јога (Шиноби Таисо) на успешната македонска компанија ТГГ – МК, тие одлучија да ни ја доверат довербата да организираме тим билдинг во рамките на нашето Хомбу Доџо и придружните објекти.

Па така, минатиот викенд, вработените на ТГГ – МК имаа можност да уживаат во разните активности и во неверојатната природа на Хомбу и околината, како и во разните специјалитети приготвени од органски продукти набавени и специјално произведени во нашата градина.

На општо задоволство, на крајот беше договорено соработката да продолжи и понатаму, со уште еден тим бидлинг на пролет и секако со нови дружби и авантури.

БуЈуКаи Србија III

Posted on Categories Почетна

Викендов што измина, во малиот, но преубав Нови Бечеј во Србија, се одржа третиот по ред БуЈуКаи Србија.

Овој меѓународен семинар е еден од најголемите што се одржуваат во регионот, а на него присуствуваат повеќе од осумдесет учесници од неколку земји во Југоисточна Европа.

Секоја година, се зголемува и бројот на инструктори, па така во 2023 година се придружија и учителите од Турција и Германија.

Учителот Игор Довезенски за оваа година одлучи да ја предава школата Шинкен Гата Тора но Маки, со што кај учесниците предизвика бура од аплаузи и емоции, а многумина му приоѓаа со огромен интерес за техниките од оваа вештина. Полека, но сигурно, Довезенски станува познат во Буџинкан како инструктор кој е специјализиран за школите наследени од Такаматсу односно за самите форми (кати) кои ги изведува со огромна прецизност и сигурност.

Следниот меѓународен семинар на кој Довезенски ќе предава е тој во Истанбул – Република Турција, што ќе се одржи во октомври.