Членовите на Буџинкан Македонија, семпаи Тодор Ангеловски и кохаи Мартин Гачевски, на покана од педагогот Снежана Тодоровска, денес одржаа предавање и демонстрација на нинџутсу, наменета за дечињата од градинката „Срничка Бамби“ во општината Аеродром.
Категорија: Почетна
Категорија news
Одржан семинарот „Силата на Јари VI“
Силата на Јари VI
Одржан семинарот во Романија со Игор Довезенски
Викендов што измина, инструкторот Игор Довезенски одржа семинар во градот Јаши – Романија. Настанот беше организиран од страна на Каталин Сореану, водачот на „Буџинкан Шинган Доџо“. На семинарот учествуваа околу 30-тина учесници од неколку романски градови, практичари на различни боречки вештини, како и еден учесник од нашата земја кој допатува во Јаши специјално за овој настан.
Одржан семинарот „Харагеи II“
На врвот на ридот Еленац, членовите на Буџинкан Македонија вчера го одржаа вториот по ред семинар посветен на техниките за Харагеи односно чувствувањето на промените кои се случуваат околу нас. Шибањето на ладниот ветер ниту за миг не претставуваше пречка да се навлезе уште подетално во тајните на медитацијата и самоспознавањето.
Наместо извештај, ќе ги пренесеме чувствата на учесниците споделени на нашиот Форум, веднаш по завршувањето на семинарот.
Марко О. – „Неможам да го опишам чусвтвото на мирисот од билките на Еленац, на воздухот што доаѓа од недопрената природа на Липац, од потта што тече предизвикана од нашиот труд додека се качуваме нагоре на „сите четири“. Од ветерот што ви ја надразнува кожата и од сонцето што ја буди енергијата. Од луѓето кои со своето присуство ве прават да се чувствувате убаво и среќно. Харагеи е посебна приказна. Техниките треба да се практикуваат секој ден и да одат паралелно со физичкиот тренинг, бидејќи тоа што Сенсеи денеска ни го раскажа, предаде и објасни е школо за животот воопшто. Учевме како да дишиме, како да бидеме здрави. Се сретнавме со четири нови вежби, за кои треба многу часови тренинг. Мислам дека сите бевме импресионирани од денешниот семинар и ова ќе ’не држи’ со денови, па и со недели. Едно искачување на Липац е квалитетна терапија за душата и телото. Замислете си за 10-15 години, сите повторно собрани на истото место, но со дечиња во раце на кои ќе им раскажуваме за прекрасните денови минати со подучувањата на Сенсеи“
Катори Шинто рју Буџутсу семинар со Сенсеи Ерик во Грција
Викендов што измина, инструкторот Игор Довезенски и ученичката Моника Ш., учествуваа на меѓународниот семинар за Теншин Шоден Катори Шинто рју Буџутсу, што се одржа во Атина – Република Грција. На настанот, покрај домаќините и преставниците од нашата земја, учествуваа и членови од Катори Шинто рју Холандија.
За време на петочниот тренинг, сенсеи Ерик предаваше кати од Омоте но Тачи, каде што се задржа на неколку детаљи во однос на изведбата и движењето на нозете. Во саботата, поголем акцент беше ставен на изведбата на техниките на извлекување на мечот од стоечка положба (Тачи аи Баттоџутсу), додека во неделата најмногу се вежбаа катите од Омоте но Иаи.
Последните два дена, Сенсеи Ерик, на Игор Довезенски му ги предаде и првите две кати од Омоте но Бо, со што се отвори уште „една врата“ во македонскиот огранок за Теншин Шоден Катори Шинто рју.
Следната средба со Сенсеи Ерик, ќе биде во мај, кога учителот ќе одржи меѓународен семинар во Македонија, секако во организација на Катори Шинто рју Македонија.
Семинар во Романија со Игор Довезенски
На покана од Каталин Сореану – водач на „Буџинкан Шинган Доџо“, шидоши Игор Довезенски ќе одржи семинар на тема: „Кенџутсу и Иаиџутсу“.
Повеќе информации за инструкторот Довезенски, можете да прочитате тука: биографија
)
Харагеи II - семинар во природа
Хара ( 腹 ) е јапонски збор за стомак, додека Геи ( 芸 ) означува уметност. Меѓутоа, во боречките вештини зад овој збор се крие комплетен принцип на внатрешна и надворешна комуникација преку самоспознавање и навремено откривање на промените кои се случуваат наоколу. Учителите за Зен, со векови наназад подучуваат дека дишењето со Хара (стомак) го чисти умот од секакви мисли и овозможува поглед длабоко во себе. Токму тоа согледување на внатрешните и на надворешните промени, се верува дека на воинот ќе му овозможи навреме да ја препознае опасноста и истовремено да реагира. Ваквиот тренинг за култивирање на внатрешната енергија, познатиот зен-монах Такуан Сохо го нарекувал „вежба на неподвижниот ум“.
Линк од минатогодишниот извештај за семинарот —–> тука
Успешно одржан гошинџутсу семинарот за Нинпо Не Ваза®
Со полно доџо насмеани лица и по некоја модринка и гребнатинка на телото, вчера успешно се одржа семинарот за Нинпо Не Ваза.
Специјален Кенџутсу семинар за Буџинкан Шинган Доџо (Романија)
Викендов што измина, шидоши Игор Довезенски одржа семинар организиран исклучиво за членовите на романското Буџинкан Шинган Доџо, на тема „Основите на класичното јапонско мечување“. Настанот беше реализиран во скопското доџо на Буџинкан Македонија, а во предавањето помогна и помладиот инструктор Марко Опачиќ.