Author koryuPosted on Categories Почетна
На 27 март (2011), семпаи Марјан Прошев и семпаи Марко Опачиќ,
ќе одржат семинар за секцијата на Буџинкан Македонија во Градско.
Семинарот е отворен за сите почетници, без разлика на возраста и полот.
Тема: Кихон Буџинкан Рју-ха.
Место: Дом на култура „Крсте Петков
Мисирков“
Време: 11.00-15.00
Пријавување на нашиот и-мејл или на телефонот 071 277 457.
Author koryuPosted on Categories Почетна
На покана од клубот Татсуџин од Белград, инструкторот на
Буџинкан Македонија, Игор Довезенски, заедно со својот ученик Марјан Прошев,
учествуваа на семинар предводен од познатиот буџинкан мајстор Педро Флеитас од
Шпанија.
Семинарот со мајсторот Флеитас се одржа во саботата и во неделата, додека во
петокот, тренинг одржа мајсторот Мигуел Санз, водач на доџо-то во Мадрид. Така
имавме можност за прв пат да се запознаеме и со техниката на овој млад шихан,
инаку личен ученик на Флеитас.
Освен тренингот, трите дена ги искористивме и за 
другарување
со сите наши пријатели кои водат или вежбаат во доџо-ата ширум балканскиот
полуостров. Како и секогаш, моментите со нив беа пријатни, а разговорите за
изминативе години поминати во дружење и тренирање едноставно ги навраќаа
спомените назад.
За време на семинарот, шиханот Педро Флеитас одржа
полагање за годан (сакки тест) кој успешно го поминаа пет кандидати. Им
честитаме на сите.
На крајот да се заблагодариме на организаторот Саша Кешиќ за организацијата на
семинарот.
Author koryuPosted on Categories ПочетнаНа 20 март, инструкторот Игор
Довезенски ќе одржи семинар во природа на тема: Фукија.
Станува збор за необично оружје кое било користено 
од страна на легендарните јапонски шиноби воини и кое задолжително било проучувано како дел од школата Тогакуре рју Нинџутсу.
Фукија е цевка за издувување на стрелки, а на семинарот ќе се изучуваат сите аспекти на оружјето, од развитокот, па до начинот на употреба.
На семинарот можат да учествуваат сите ученици со обоен појас на Буџинкан Македонија / Пат кон Сонцето.
Потребна опрема за вежбање: фукија и стрелки.
Тема: Фукија
Ден: 20.03.2011 (недела)
Место: Лока
Програма:
08.00 часот – поаѓање од Скопје
09.00 часот – пристигнување
10.00 -16.00 часот –
теоретски и практичен дел
17.00 враќање назад
Семинарот ќе се одржи без разлика на временските услови.
Author koryuPosted on Categories Почетна
На местото викано Слепо
Коло, на ридот Орљак, се одржа семинарот на тема: „Силата на Јари-то“. На
настанот учествуваа 11 членови на Буџинкан Македонија, кои во текот на целиот ден
ги учеа начините на борба со копје, но и техниките на формациско борење со ова
оружје.
Како и секогаш,
инструкторот Довезенски навлегуваше во најситните детаљи во техниките, а учениците
упорно ги вежбаа и совладуваа. За нив особено беше интересен начинот на
формациско борење, каде што група вооружена со мечеви се обидуваше да ја помине
линијата поставена од копјаници. Со употреба на разни тактики (какехики),
сите напади успешно беа спречени, а напаѓачите совладани за кратко време.
Посебен впечаток остави начинот на формирање на 
таканаречените „круг на
одбрана“ и „опасната стоногалка“ кои учесниците на семинарот за кратко време ги
совладаа.
На крајот на семинарот
сите учесници имаа можност да ги вежбаат научените техники на мета (вреќи
набиени со слама), при што уште подобро ја разбраа идејата и силината на
јари-то (копје), но и важноста од кондициската подготвеност при вежбање со ова ефикасно
оружје.
Author koryuPosted on Categories Почетна
Сакаме да Ве информираме дека нашето школо за класични јапонски борбени вештини ќе отвори уште едно доџо во скопската населба Тафталиџе (кај млечниот ресторан).
Тренинзите ќе ги одржуваат семпаи Марјан Прошев и семпаи Марко Опачиќ, во деновите вторник, четврток и сабота од 18.30 до 20.00 часот.
Со ова, инструкторот на Буџинкан Македонија, Игор Довезенски, се повлекува од активно подучување на почетници и ќе вежба само со напредните ученици во централното доџо (Хомбу). На овој начин основачот на Буџинкан во Македонија и човекот што ги донесе класичните јапонски борбени вештини во нашата земја, Игор Довезенски, уште повеќе ќе се посвети на својот тренинг и на понатамошното усовршување во корју буџутсу (класични јапонски борбени школи).
Сите заинтересирани за упис во новото доџо можат да добијат дополнителни иформации на телефонот 071 277 457.
Author koryuPosted on Categories Почетна
Високотиражниот месечник „Лајф Магазин“ во најновиот (февруарски) број објави репортажа за последниот семинар во природа на Буџинкан Македонија. Текстот со наслов: „Зимски тренинг на македонските самураи“ е напишан од новинарката Катарина Стојанова, а фотографиите се на фоторепортерот Андреј Гиновски.
Како и секогаш, Школото за јапонски класични борбени вештини „Буџинкан Македонија“ во најдобро светло ја претстави организацијата предводена од соке Масааки Хатсуми, а нашите настани постојано предизвикуваат огромен интерес во јавноста.
Екипата на „Лајф Магазин“ изрази желба да направи репортажа и за нашиот традиционален летен семинар на тема „Преживување“, каде што нашите членови вежбаат два дена на температура од +40 целзиусови, без храна и вода.
Author koryuPosted on Categories Почетна
„Школото Шинден Фудо рју Дакентаиџутсу
ги користи следниве оружја: Јари (копје), Оно (воена секира), О Тсучи (голем
чекан), Тачи (меч) и Нагината. Куденот вели дека една вечер демонот (Тенгу) му
дошол на сон на основачот на вештината и го научил како да се бори со Јари.
Овие техники и ден-денес се сметат за најголема тајна на школата.„
На 13 февруари, инструкторот Игор
Довезенски ќе одржи семинар во природа на тема: „Силата на Јари-то“.
На семинарот можат да учествуваат сите ученици на
доџо-то Буџинкан Македонија / Пат кон Сонцето.
Потребна опрема за вежбање: бокен и
јари
Тема: Силата на Јари-то
Ден: 13.02.2011 (недела)
Место: Слепо Коло
Програма:
08.00 часот – поаѓање од Скопје
09.00 часот – пристигнување
10.00 -16.00 часот –
теоретски и практичен дел
17.00 враќање назад
Author koryuPosted on Categories Почетна
Прецизните мерења извршени
од страна на надалеку познатата селска кооперација Дацко 56 ™, покажаа дека за
време на одржувањето на зимскиот семинар, температурата на воздухот изнесувала
од 1 до 5 степени целзиусови. Минималната температура била за време на двете преминувања
на реката, додека максималната била измерена околу 13.00 часот.
Секако, поради желбата
да се совладат вештините на преживување во зимски услови, учесниците на
денешниот семинар воопшто не почуствуваа криза пораду суровите временски
услови.
На семинарот учествуваа
15 ученици на Буџинкан Македонија, а за нашата работа интерес покажа и познатиот
„Лајф Магазин“ кој испрати една новинарка и еден фоторепортер со нас, со цел да
објави репортажа за февруарскиот број. Во оваа прилика им честитаме на новинарите
поради тоа што издржаа повеќе од три часа (од вкупно осум) следејќи не по различни
терени во природата.
Семинарот започна со
совладување на техниката за преминување на надојдени води. Крива Река во оваа
прилика си ги покажа своите заби. Реката која извира од високите и со снег
покриени паланечки планини, беше толку ладна, што по неколку метра нозете веќе
неможеа да се чуствуваат.
По ова, учесниците на
семинарот ги научија начините за изградба на зимски засолништа и палење на оган
со кремен. Колибата беше изградена за дваесетина минути, а и огнот успешно
запален и покрај големата влажност на земјата и воздухот.
Откако ја совладаа и
оваа техника, членовите на Буџинкан Македонија се упатија кон местото викано
См’кнено, каде што инструкторот Довезенски одржа уште едно кратко предавање за начините
на обезбедување вода за пиење во зимски услови. Потоа следуваше тренинг
таиџутсу (борба без оружје), буки мамори буки (оружје против оружје), како и
техники на формациско борење со копје и меч.
По завршувањето на настанот,
сите учесници беа видно задоволни од наученото, а според нивните изјави, едвај
чекаат да дојде следниот февруарски семинар во природа на тема: јариџутсу
(техники на борење со копје).
Author koryuPosted on Categories Почетна
Инструкторот на Буџинкан Македонија, Игор Довезенски, ќе го одржи првиот од семинарите предвидени за во природа за 2011 година.
Како што самиот наслов кажува, на семинарот ќе се изучуваат начините на преживување во зимски услови односно на ниска температура и сурово опкружување. Самиот датум кога ќе се одржи настанот (16 јануари) е одбран со цел да се испробаат техниките и во практична смисла на зборот.
На семинарот ќе се изучуваат следниве вештини:
– преминување надојдени реки со јаже и без јаже
– обезбедување храна и вода
– изградба на засолниште и логор
– борба во зимски услови
– користење на природата како оружје за борба итн.
На семинарот можат да учествуваат сите психофизички здрави ученици на Буџинкан Македонија (секако на сопствен ризик).
Потребна опрема за на терен:
– војнички панталони (под нив ѕиври), маици, војничка кошула и џемпер, јакна, капа, шал, чизми, три пара гаќи и оружје за тренинг.
Предупредување: температурите најверојатно ќе бидат во минус. Теренот е отворен и ветровит. Присуство на диви животни во овој период од годината е нормална појава. Најмалку седум часа без престан ќе се вежба на екстремно ладно време. Преминување голи во замрзната река задолжително.
Ден: 16.01.2011 (недела)
Место: См’кнено
Програма:
08.00 часот – поаѓање од Скопје
09.00 часот – пристигнување
09.00 -16.00 часот – теоретски и практичен дел
17.00 враќање назад
Со среќа!
Author koryuPosted on Categories ПочетнаСпоред насоките
на соке Масааки Хатсуми, тема за 2011-та година ќе биде Кихон Хаппо.
Среќни сме што организацијата Буџинкан ќе почне да посветува внимание на
основите на боречките вештини. Тоа е нешто што во нашето доџо постојано се
истакнува како најважно.
Како и секоја
година, Буџинкан Македонија има и своја интерна тема, која што се разработува
во текот на дванаесетте месеци. Во 2011-та одлучивме да се концентрираме на школото Такаги Јошин рју Џутаиџутсу (Школото на духот на врбата).
Програмата
за 2011-та на Буџинкан Македонија е веќе поставена на нашата
веб-страница.
********************************************************
Ве известуваме дека во текот на претстојните празници Школото за борбени вештини Пат кон Сонцето заедно со двете доџо-а Буџинкан Македонија и Даито рју Македонија нема да работат во деновите:
-Буџинкан Македонија 31 декември (2010) и 7 јануари (2011 Божиќ) / прв тренинг на 3 јануари (2011)
-Даито рју Македонија 1 јануари (2011) / прв тренинг на 8 јануари (2011)
На сите наши членови и пријатели им посакуваме се најубаво во новата 2011
година. Нека ни е честит Божиќ !
Akemashite Omedeto Gozaimasu!
*******************************************************
Вчера,
во Хомбу Доџо-то на Буџинкан Македонија се одржа полагање за ученички степени.
За
9 кју положија Тоше А., Христина С. и Фросина Н.,
додека со 7 кју заслужено се закитија Филип А., Горјан С., Косара П. и Искра Б.
За
5 кју положија учениците Маја И., Антон П., Тина Д. и Катерина Д.
Заслужено, за 3 кју положија Дарко Б., Благица С., Зоран Т. и
Мануела Д., а за први кју Марјан П. и Марко О.
За својот труд, упорност, верност, редовност
и љубов кон вештината и школото, пофалници добија учениците Антон П., Косара П. и Филип А. Антон беше прогласен за најредовен
ученик на Буџинкан Македонија од отворањето на самото доџо па до сега. Имено,
од 1 јануари па заклучно со вчерашниот ден, тој нема пропуштено ниту еден
тренинг.
Оваа
година благодарница за подршка при развојот на Буџинкан Нинџутсу во Македонија добија Александар В. и Дарко Б. (сите
имиња се напишани скратено поради почитување на приватноста на нашите членови)