Автор: dovezenski

Author dovezenskiPosted on април 17, 2023април 19, 2023Categories Почетна

Еднодневен семинар за Оно (Голема самурајска секира) се одржа во саботата во дворот на Хомбу Доџото на Организацијата „Пат кон Сонцето“.

Присутните имаа одлична можност да се запознаат односно да ги усовршат техниките на користење на ова класично самурајско орудие кое во традицијата на Буџинкан е задржано во школата Шинден Фудо рју Дакентаиџутсу.

Учителот Игор Довезенски како и секогаш на висината на својата задача се потруди да им пренесе што повеќе детали на своите ученици кои секогаш гладни за поголемо знаење доаѓаат на тренинзи во стожерното Доџо во долината на Липац.

Author dovezenskiPosted on април 12, 2023април 13, 2023Categories Почетна

Ќерките на учителот Игор Довезенски, за време на неделниот семинар за Шинден Фудо рју Иаиџутсу, се здобија со бронзени „Генин“ медали.

Така, Косара и Ксенија Довезенски се шестиот и седмиот член на Буџинкан Македонија, што се здобиле со ова високо признание.

Инаку, бронзените медали „Генин“ се доделуваат после десет години редовно и посветено вежбање во „Пат кон Сонцето“, како признание за залагањето и лојалноста кон доџото, соборците и учителот.

Author dovezenskiPosted on април 12, 2023април 13, 2023Categories Почетна

Еден ден по семинарот за користење нинџа мрежа (Тоами), во Хомбу-то на Организацијата „Пат кон Сонцето“ се одржа и семинар за брзо извлекување и симултано сечење со јапонски меч (Иаиџутсу).

Поради дождот кој паѓаше во текот на целиот викенд, овој настан се
одржа во внатрешноста на самото Доџо.

Во прекрасна атмосфера, беа пренесени многу техники од школата Шинден Фудо рју, кои учителот Довезенски несебично ги сподели со учесниците.

Author dovezenskiPosted on април 12, 2023април 13, 2023Categories Почетна

Во саботата во дворот на Хомбу Доџо-то на Организацијата „Пат кон Сонцето“, се одржа семинар за ракување со нинџа мрежа – Тоами.

Author dovezenskiPosted on март 27, 2023март 27, 2023Categories Почетна

Еден ден по одржувањето на семинарот за Шурикени во дворот на Хомбу-то, на ливадите во шумата Млака се одржа легендарниот семинар за борба со копје (Соџутсу). Познат под името „Силата на Јари“, овој настан се одржува веќе четиринаесет години по ред и важи за еден од најпосетуваните нинџутсу семинари во Буџинкан Македонија.

Покрај силното ехо предизвикано од киаи-то на Воините од „Пат кон Сонцето“, атмосферата беше збогатена и со песната на птиците кои ја наговестија пролетта, но и новата сезона на семинари организирани од учителот Игор Довезенски.

За пофалба е што на ова 14-сето издание се постави и нов рекорд  на учесници односно беа пријавени 23-ца.
Следниот семинар во Хомбу ќе биде на тема Тоами (борба со мрежа), па затоа ја користиме оваа прилика да Ви упатиме покана за учество и за дружба.

Author dovezenskiPosted on март 27, 2023март 27, 2023Categories Почетна

Вештината на гаѓање со метални сечива позната како ШурикенЏутсу, беше првиот Нинџутсу семинар што се одржа во новата 2023-та, во Хомбу Доџото на Буџинкан Македонија.

На семинарот присуствуваа дваесетина учесници кои во саботата ги увежбуваа техниките со шурикени, а гаѓањето се одвиваше на три различни мети.

Вечерта по семинарот, соборците од Буџинкан Македонија уживаа во заедничката дружба покрај топлиот камин во Хомбу, а не изостанаа ниту редовните друштвени игри.

 

Author dovezenskiPosted on февруари 22, 2023февруари 22, 2023Categories Почетна

Над дваесет учеснички беа дел од традиционалната „Работилница за Самоодбрана за Жени“, која викендов се одржа во Доџото на Буџинкан Македонија.

На настанот, се изучуваа разни техники за самоодбрана од насилници и тоа според различни сценарија кои најчесто се случуваат низ улиците во урбаните средини.

За време на семинарот, учителот Игор Довезенски инсистира на подеднаква застапеност како на физичките, така и на менталните техники за подготовка на жените при можни несакани дејствија, па затоа неговите помошници од доџото се во улога на разбојници, со цел учесничките да можат пореално да се соочат со стравот и со силата која доаѓа при нападот.

Да потсетиме дека Буџинкан Македонија е првото Доџо во Република Македонија што започна да предава специјализирани техники за самоодбрана за жени и тоа во 2008 година и уште оттогаш стана синоним за квалитетна обука на припадничките на поубавиот пол.

Сите заинтересирани за тренинзи во нашето доџо или за специјални курсеви за самоодбрана, можат да се јават на некои од нашите телефони или да пишат на нашата електронска адреса.

Author dovezenskiPosted on февруари 16, 2023февруари 16, 2023Categories Почетна

Викендов што помина беше искористен за Шиноби Таисо семинар, на кој учителот Игор Довезенски го предаваше четвртиот модул од третото ниво (Окуден), а кој се однесува на Анма (јапонска масажа).

За време на настанот, учесниците имаа можност да ги изучуваат и повторуваат техниките на масажа на глава, лице и на врат, но истовремено и да добијат многу информации во врска со функционирањето на човечкото тело.

Следниот семинар за Шиноби Таисо е закажан за доцна пролет.

Author dovezenskiPosted on јануари 16, 2023јануари 17, 2023Categories Почетна

Во текот на вчерашниот ден, во месноста викана „С’мкнено“ на ридовите на Липац, се одржа тринаесетиот по ред семинар за начините за зимско преживување.

Како и досегашните зимски семинари, така и овој предизвика голема заинтересираност, со што се обезбеди продолжување на традицијата.

За следната година, учителот Игор Довезенски најави повторно враќање во шумата Млака, каде што учениците ќе ги усовршуваат техниките за зимско преживување во шумски услови.

Author dovezenskiPosted on јануари 10, 2023јануари 10, 2023Categories Почетна

Во неделата (8 јануари), во кафулето „Кастм Паб“ во центарот на Скопје, се одржа промоција на новата манга „Мисијата во Шилијнхот“.

Автор на стрипот е водачот на Буџинкан Македонија – Игор Довезенски, додека илустрациите се дело на неговиот ученик, Таки Гаковски.

Инаку, ова е втор број од серијата со наслов „Такаматсу во Кина“, издадена по точно година и половина од првиот „Борбата со Чо Ширју“.

На промоцијата присуствуваа многу сегашни и поранешни ученици на Доџо-то, како и пријатели кои со години ја следаат и ја поддржуваат работата на Буџинкан Македонија.