Автор: dovezenski

Author dovezenskiPosted on јуни 5, 2023јуни 6, 2023Categories Почетна

Четвртиот по ред меѓународен БуЈуКаи семинар, според договорениот редослед, овој пат се одржа во Македонија. На настанот учествуваа 42ца нинџутсу практичари од Турција и од земјата домаќин.

Како и секогаш, интересот за БуЈуКаи е навистина преголем, меѓутоа поради подобра организација, бројката на учесници беше ограничена, а истата беше пополнета уште неколку недели пред одржувањето.
Темата на овогодинешниот семинар беше Хенка Ваза односно адаптирање на постоечките техники во варијанти кои се моментално прилагодливи во одреден момент на напад од страна на противникот.

Домаќините на БуЈуКаи IV од Буџинкан Македонија се потрудија целосно да им го организираат времето на гостите од Република Турција, така што беа посетени многу туристички и археолошки локалитети во Републиката, за што подобро да се презентираат убавините на древната Македонија.

На крајот, ги пренесуваме зборовите на еден од учесниците на настанот:

„Буџинкан Македонија испишува историја што сите ќе ја паметат. Имам чувство дека БуЈуКаи претставува еден вид натпревар, меѓутоа не во знаење од областа на боречките вештини, туку во гостопримливоста и во претставувањето на сопствената култура и традиција. Имавме прекрасен викенд. Тренингот беше неверојатен и со моќно темпо, а Доџото наликуваше на бојно поле. Посетивме прекрасни места, а бевме и во магичната Куклица. Имавме и неколку непредвидени незгоди, меѓутоа јас тоа го сфатив како тест од страна на боречките божества со цел за да ја тестираат нашата упорност. Создадовме големо боречко пријателство со Буџинкан Турција и оваа врска долго ќе трае“ – Таки Гаковски

Author dovezenskiPosted on мај 23, 2023мај 25, 2023Categories Почетна

Неделата беше како создадена за семинар со Фукија на кој членовите на Буџинкан Македонија ги полираа своите вештини на користење на ова древно и едноставно орудие.

На настанот учителот Игор Довезенски ги предаваше положбите на телото за гаѓање со фукија, но истовремено ги научи учесниците и како сами да изработат стрелки.

Задоволни од наученото, учениците побараа од учителот семинарот за Фукија да се стави во редовната годишна програма на Буџинкан Македонија.

На крајот од настанот, во Хомбу Доџото беа доделени сертификатите на членовите кои неодамна полагаа за повисоко звање, а кои беа испратени и потпишани лично од основачот на Буџинкан Доџо, соке Масааки Хатсуми.

Author dovezenskiPosted on мај 15, 2023мај 15, 2023Categories Почетна

Еден ден по семинарот со Нагината од школата Кукишин рју, беше одржан уште еден за истото оружје, но овој пат се вежбаа техники од школата Шинден Фудо рју.

Намерата на учителот Довезенски беше да можат учениците да направат споредба помеѓу начинот на користење на оружјето во двете традиции, а со тоа да го збогатат своето знаење и искуство.

Поради врнежливото време, вториот семинар со одржа во самото Доџо, меѓутоа учениците се погрижија да ја задржат работната атмосфера од претходниот ден.

Author dovezenskiPosted on мај 15, 2023мај 15, 2023Categories Почетна

Оваа сабота во Хомбу-то на Организацијата „Пат кон Сонцето“ беше одржан семинар за Нагината, оружје од класичната јапонска борбена традиција Кукишин рју.

Школата чиј оснивач е Јакушимару Курандо Таканао е позната по цврстиот начин на борба, а со оглед на големината на Нагинатата, видлив беше напорот кај учесниците на настанот во следењето на подучувањето од страна на учителот Довезенски.

За време на настанот, беа повторени сите положби на телото (камае), како и катите на школата.

Author dovezenskiPosted on мај 11, 2023мај 12, 2023Categories Почетна

Како и секој семинар за лак и стрела (ЈумиЈа) досега, така и последниот што во неделата се одржа во шумата Млака во близина на Хомбу, предизвика огромен интерес кај учениците на Буџинкан Македонија.

Во прекрасна атмосфера зачинета со четири мети и пет лакови, членовите на Буџинкан Македонија имаа можност да гаѓаат користејќи неколку различни положби на телото односно техники.

На крајот на настанот, учесниците го искажаа своето задоволство од учеството и изјавија нетрпение до следната средба.

Author dovezenskiPosted on мај 11, 2023мај 12, 2023Categories Почетна

На задоволство на сите учесници, семинар за скриени нинџа оружја (Какуши Буки) се одржа во саботата во Хомбу Доџото на Организацијата „Пат кон Сонцето“.

За време на настанот, учителот Игор Довезенски подучуваше техники со Кусари Фундо, Танбо, Шурикен, Кунаи, Сунтетсу и Танто.

Сите присутни беа презадоволни од предавањата, а членовите од почетничката група кои за прв пат беа на семинар во Хомбу, покажаа интерес за повторно учество.

Author dovezenskiPosted on мај 2, 2023мај 2, 2023Categories Почетна

Годинешниот редовен семинар за Отсучи (голем самурајски чекан), се одржа во неделата во Хомбу-то на Организацијата „Пат кон Сонцето“.

Покрај членовите на Буџинкан Македонија, на семинарот учествуваше и практикант од Република Србија, со што настанот доби меѓународен карактер.

Инаку, да се вежба и да се управува со чеканот тежок речиси 10 килограми, навистина бара многу напор и телесна сила, па токму поради тоа учителот Игор Довезенски вложува голем напор да ги предаде тајните на ова орудие на сите заинтересирани за него.

Author dovezenskiPosted on април 24, 2023април 24, 2023Categories Почетна

Еден ден по Таихенџутсу, во Хомбу Доџото на „Пат кон Сонцето“ беше одржан и семинар за Чигирики.

Инаку, тренингот со ова необично орудие веќе одамна е ставен во редовната програма на Буџинкан Македонија, а членовите на Доџото постојано имаат можност да се усовршуваат со истото.

Остатокот од времето беше искористено за одлична дружба, како и за средување на јапонската зен градина.

Author dovezenskiPosted on април 24, 2023април 24, 2023Categories Почетна

Учесниците на саботниот семинар во Хомбу, за кратко време се уверија во зборовите на учителот Игор Довезенски кои тој ги искажа пред почетокот на настанот, дека Таихенџутсу е еден од најтешките физички предизвици за секој сериозен практичар на Нинџутсу. И навистина, веќе следното утро, болката што ги преплави мускулите на сите ученици им го докажа тоа.

На семинарот се вежбаа сите Таихенџутсу техники од школата Тогакуре рју Нинџутсу, а четирите саати минаа многу брзо. Меѓутоа и покрај се’, најважната цел беше остварена – сите направија чекор напред за мал напредок во техниките кои се многу важен дел од Нинџутсу вештината.

Author dovezenskiPosted on април 17, 2023април 19, 2023Categories Почетна

Возбудлив семинар за борба со кратка палка (Танбо) вчера беше одржан во Хомбу-то на „Пат кон Сонцето“.

За време на настанот, учителот Довезенски обрна посебно внимание на ударите и блоковите со Танбо, како и на МаАи (растојание) и на борбата со две палки истовремено.

Учесниците беа презадоволни од наученото, а според интересот најверојатно семинарот со Танбо почесто ќе биде на распоредот на настани во Хомбу.