Буџинкан Македонија

Одржан шестиот БуЈуКаи

dovezenskiмај 22, 2024јуни 4, 2024Почетна

Според договорениот редослед, шестиот по ред меѓународен БуЈуКаи семинар, овој пат се одржа во Македонија. На настанот учествуваа околу триесетина нинџутсу практичари од Турција и од земјата домаќин.

Како и досега, домаќините на БуЈуКаи VI од Буџинкан Македонија се потрудија целосно да го организираат времето на гостите од Република Турција, при што беа посетени многу туристички и археолошки локалитети во Републиката, за што подобро да се презентираат убавините на древната Македонија.

Одличната дружба беше зачинета со неверојатно добар тренинг, а следниот БуЈуКаи VII е закажан за крајот на октомври, во Истанбул.

Учителот Довезенски повторно во Јапонија - заедно со своите ќерки

dovezenskiмај 7, 2024мај 9, 2024Почетна

Месец дена по првото Муша Шугјо во Јапонија, учителот Довезенски замина на уште едно двонеделно, овој пат заедно со своите ќерки Косара и Ксенија.

За време на престојот македонските преставници на Буџинкан Доџо вежбаа со учителите Тоширо Нагато, Јукио Ногучи, Исаму Шираиши, Хироши Нагасе, Ватару Тезука, Коџи Фурута и други.

Свесни за напредокот и залагањето на учителот Довезенски, а на предлог на тројца ДаиШихани, јапонските учители му доделија на Довезенски звање Џудан Kaгјо Хаппо Бикен.

ХоЏутсу во Хомбу

dovezenskiаприл 21, 2024април 23, 2024Почетна

Еден ден по семинарот за Лак и Стрела, на многу врнежливо време пропратено со силен дожд, ветар и ниски температури, се одржа и семинарот за гаѓање со пушка (ХоЏутсу).
Целта на овој традиционален настан е да ги оживее позициите на телото и методите на пукање со самурајски пушки, меѓутоа преку употреба на модерни воздушни.

Ниту студеното време, ниту тоа што постојано бевме натопени не ни го намалија духот и желбата за тренинг. Напротив, уживавме во преубавата глетка на природата, како и во прекрасното друштво на нашите членови.

Семинар за Лак и Стрела во природа

dovezenskiаприл 21, 2024април 23, 2024Почетна

Во преубавата шума сместена во месноста Млака, во саботата се одржа традиционалниот ЈумиЈа семинар за гаѓање со Лак и Стрела.

Иако настанот е пред се организиран за учење на техники на користење јапонски Ханкју лак, учителот Игор Довезенски предава и бара од своите ученици да знаат да ги користат сите начини на гаѓање со разни видови азиски лакови кои во минатото се користеле од страна на различни народи.

За време на семинарот, Довезенски подучуваше техники на гаѓање со отомански, унгарски, како и јапонски самурајски и нинџа лак.

Вечерта после семинарот беше резервирана за предавање за историјата и традицијата на Јапонија, поткрепено со фотогафии кои учителот ги направил за време на своите патешествија низ Земјата на Изгрејсонцето.

Одржан традиционалниот СоЏутсу семинар „Силата на Јари“

dovezenskiмарт 31, 2024април 1, 2024Почетна

Јубулејниот петнаесетти по ред СоЏутсу семинар „Силата на Јари“ се одржа во неделата во дворот на стожерното Доџо на Буџинкан Македонија.

На овој традиционален настан, кој секогаш привлекува голем број учесници, учествуваа членови од речиси сите возрасти, а огромната крошна на големиот орев во Хомбу беше претесна за да ги прими под својата сенка сите заинтересирани.

На семинарот се вежбаа сите техники, принципи и кати од школата Шинден Фудо рју Дакентаиџутсу, а како и секогаш дружбата и енергијата беа на највисоко можно ниво.

ШурикенЏутсу во дворот на Хомбу

dovezenskiмарт 31, 2024април 1, 2024Почетна

Во дворот на Хомбу Доџото на Буџинкан Македонија, во саботата, се одржа семинар за гаѓање со Хира Шурикени.

На семинарот учество земаа 16 членови на Буџинкан Македонија кои речиси шест саати гаѓаа со метални сечива во две мети, со цел да ја усовршат оваа древна нинџа вештина.

Постарите ученици на Доџото, имаа можност да испробат и техники на гаѓање со други типови Шурикени односно со орудија кои припаѓаат на школи кои не се вежбаат во Буџинкан.

Усовршување во Јапонија - 2024-та

dovezenskiмарт 18, 2024март 20, 2024Почетна

Уште едно двонеделно усовршување на учителот Игор Довезенски во Јапонија беше реализирано во текот на месецот март.

Овој пат, покрај редовните тренинзи со учителите во Хомбу Доџото во градот Нода, патувањето беше искористено и за проучување на други вештини од богатата култура и традиција на Земјата на Изгрејсонцето.

Така, покрај самурајските и нинџа вештините, учителот Довезенски посвети внимание и на проучување на тајните на градење на јапонските зен градини, како и на церемонијата на чај позната под името Чадо.

Освен тоа, тој ја посети и провинцијата Шига односно градот Кога (Кока), познат како една од лулките на Нинџутсу (покрај Ига). Таму Довезенски оствари средба со членови односно потомци на семејството Фуџибајаши чии предци биле познати Шиноби воини, по што ја посети и нивната семејна куќа целата поврзана со тајни повижни ѕидови, тунели и премини кои се користеле за бегство од непријателот.

Ова боречко патешествие ќе остане запаметено и по духовниот развој на водачот на Буџинкан Македонија за време на посетите на храмовите и градините Сенсо-Џи во Асакуса во Токио, потоа Кодаи-Џи и Кијомизу Дера во Кјото, како и на Нарита-сан во градот Нарита (и многу други помали Шинто и Будистички храмови низ Јапонија).

Одржан седмиот „Детски Нинџа Самит“

dovezenskiфевруари 29, 2024март 15, 2024Почетна

Под водство на Таки Гаковски кој воедно е учител во детската група „Нинџа Клинци“, во саботата се одржа седмиот „Детски Нинџа Самит“.

Покрај редовните вежби за развивање на флексиболноста и агилноста кај најмладите, дечињата изучуваа и техники за самоодбрана.

Како и секогаш, атмосферата за време на семинарот беше неверојатно разиграна и весела.

Кусари Фундо семинар во Скопје

dovezenskiфевруари 12, 2024февруари 13, 2024Почетна

Во скопското доџо на Буџинкан Македонија вчера се одржа семинар на тема Кусари Фундо (Ланец со Тегови).

Динамичната и борбена атмосфера која долго време ќе се памети беше привилегија за десетината учесници кои одвоија неколку саати од неделниот одмор со цел да го посветат своето време на личното усовршување преку древната Тогакуре рју Нинџа вештина.

Околу техниките што учителот Игор Довезенски ги предаваше, може да се зборува со саати, меѓутоа за да се опише едно такво доживување потребно е да се земе учество, бидејќи се друго ќе бидат само празни зборови, со оглед на тоа што тренингот во доџо е невозможно е да се опише и мора лично да се доживее.

Одржан шестиот Детски Нинџа Самит

dovezenskiфевруари 1, 2024февруари 1, 2024Почетна

Под водство на шидоши хо Таки Гаковски, во саботата се одржа шестиот Детски Нинџа Самит.

Како и на секој друг детски семинар, доџото грмеше од насмевки и среќни моменти, бидејќи децата едноставно го обожуваат овој настан.

На крајот од семинарот, неколку од дечињата го прашаа инструкторот Гаковски околу тајминот на следниот самит, што е само уште еден доказ за популарноста на самитот.