Буџинкан Македонија

Author dovezenskiPosted on август 17, 2024август 22, 2024Categories Почетна

Детскиот Летен Нинџа Камп помина во неверојатна атмосфера, а исто како и минатата година, така и оваа имавме и учесник од странство, така што настанот веќе сигурно прераснува во интернационален.

Вкупно 22 дечиња од Македонија и од Италија уживаа вежбајќи ги јапонските нинџа вештини донесени во нашата земја од страна на учителот Игор Довезенски, а надгледувани од будните очи на Таки Гаковски и неговите помошници Косара, Ксенија и Петар Довезенски.

Целиот камп помина во многу забава, тренинг, различни активности, а децата се вратија презадоволни во своите домови и на радост на нивните родители, побогати за едно големо животно искуство.

Се гледаме следната година!

Author dovezenskiPosted on јули 9, 2024јули 9, 2024Categories Почетна

Еден ден по БаттоЏутсу семинарот за Семпаи, учителот Игор Довезенски одржа уште еден, наменет за Нагината.

И неделната тема намерно беше избрана да биде од школата Шинден Фудо рју ДакенТаиџутсу, особено поради својата едноставност и атрактивност, во исто време.

Инаку, тоа беше последниот семинар во првото пологодие на 2024 година, а до завршување на семестарот следува уште легендарниот Летен Нинџа Камп.

Author dovezenskiPosted on јули 9, 2024јули 9, 2024Categories Почетна

Во саботата во дворот на Хомбу-то се одржа семинар за брзо извлекување и симултано сечење со меч (БаттоЏутсу) наменет за Семпаи-те на Буџинкан Македонија.

На семинарот се вежбаа техники од школата Шинден Фудо рју ДакенТаиџутсу, а учесниците упорно го повторуваа материјалот со цел да ја усовршат својата вештина.

Слободното време беше искористено за дружба и капење во блиската река, со цел да се опуштат мускулите и телото од напорниот тренинг.

Author dovezenskiPosted on јуни 21, 2024јуни 24, 2024Categories Почетна

Еминетниот професор од јапонскиот Универзитет во Мие и воедно водечки истражувач за историјата на легендарните Нинџа воини и нивната вештина Нинџутсу, д-р Јуџи Јамада, во вторникот беше целодневен гостин на водачот на Буџинкан Македонија – Игор Довезенски.

За време на средбата која се одржа во Хомбу Доџото на македонската Буџинкан организација, професорот Јамада и учителот Довезенски дискутираа околу најразлични теми поврзани со историјата, филозофијата, психологијата и техниките на древната јапонска вештина Нинџутсу. Разменувајќи дел од сознанијата и искуството, двајцата учени имаа можност да дознаат или потврдат некои нови информации поврзани со тајниот свет на шиноби воините.

Професорот Јамада беше пријатно изненаден од огромното познавање на учителот Довезенски од областа на јапонската традиција и култура, а особено беше воодушевен од јапонската зен градина која водачот на Буџинкан Македонија успеа да ја создаде во последните неколку години, градејќи ја според сите стандарди за зен градини. Всушност, на јапонскиот професор едноставно не му се веруваше дека некој што е роден и живее во Македонија успеал сам да изгради јапонско доџо, но и да создаде комплетна јапонска градина и да преустрои целосно Нинџа Село симулирајќи го животот во Јапонија од времето на средновековниот период.

За време на заедничкиот традиционален македонски ручек под сенките на големите ореви во Хомбу, Довезенски и Јамада договорија понатамошна соработка преку посета на Универзитетот во Мие од страна на водачот на Буџинкан Македонија и понатамошно споделување на знаењето и искуството од областа на Нинџутсу.

Author dovezenskiPosted on јуни 18, 2024јуни 19, 2024Categories Почетна

На малата ливада која лежи веднаш под неверојатните Еленачки Карпи на ридот Еленац, се одржа овогодинешниот Тогакуре рју семинар, на кој учество земаа десетина членови на Буџинкан Македонија.

Сместени во шатори, воините на доџото во текот на двата дена од викендот имаа можност да учат и повторуваат техники на борба со користење на танто, сенбан шурикени, шуко и кунаи.

Слободното време беше искористено за предавање на филозофијата и психологијата на шиноби воините, нешто што е многу важно за сите практичари на оваа древна вештина.

Author dovezenskiPosted on мај 22, 2024јуни 4, 2024Categories Почетна

Според договорениот редослед, шестиот по ред меѓународен БуЈуКаи семинар, овој пат се одржа во Македонија. На настанот учествуваа околу триесетина нинџутсу практичари од Турција и од земјата домаќин.

Како и досега, домаќините на БуЈуКаи VI од Буџинкан Македонија се потрудија целосно да го организираат времето на гостите од Република Турција, при што беа посетени многу туристички и археолошки локалитети во Републиката, за што подобро да се презентираат убавините на древната Македонија.

Одличната дружба беше зачинета со неверојатно добар тренинг, а следниот БуЈуКаи VII е закажан за крајот на октомври, во Истанбул.

Author dovezenskiPosted on мај 7, 2024мај 9, 2024Categories Почетна

Месец дена по првото Муша Шугјо во Јапонија, учителот Довезенски замина на уште едно двонеделно, овој пат заедно со своите ќерки Косара и Ксенија.

За време на престојот македонските преставници на Буџинкан Доџо вежбаа со учителите Тоширо Нагато, Јукио Ногучи, Исаму Шираиши, Хироши Нагасе, Ватару Тезука, Коџи Фурута и други.

Свесни за напредокот и залагањето на учителот Довезенски, а на предлог на тројца ДаиШихани, јапонските учители му доделија на Довезенски звање Џудан Kaгјо Хаппо Бикен.

Author dovezenskiPosted on април 21, 2024април 23, 2024Categories Почетна

Еден ден по семинарот за Лак и Стрела, на многу врнежливо време пропратено со силен дожд,  ветар и ниски температури, се одржа и семинарот за гаѓање со пушка (ХоЏутсу).
Целта на овој традиционален настан е да ги оживее позициите на телото и методите на пукање со самурајски пушки, меѓутоа  преку употреба на модерни воздушни.

Ниту студеното време, ниту тоа што постојано бевме натопени не ни го намалија духот и желбата за тренинг. Напротив, уживавме во преубавата глетка на природата, како и во прекрасното друштво на нашите членови.

Author dovezenskiPosted on април 21, 2024април 23, 2024Categories Почетна

Во преубавата шума сместена во месноста Млака, во саботата се одржа традиционалниот ЈумиЈа семинар за гаѓање со Лак и Стрела.

Иако настанот е пред се организиран за учење на техники на користење јапонски Ханкју лак, учителот Игор Довезенски предава и бара од своите ученици да знаат да ги користат сите начини на гаѓање со разни видови азиски лакови кои во минатото се користеле од страна на различни народи.

За време на семинарот, Довезенски подучуваше техники на гаѓање со отомански, унгарски, како и јапонски самурајски и нинџа лак.

Вечерта после семинарот беше резервирана за предавање за историјата и традицијата на Јапонија, поткрепено со фотогафии кои учителот ги направил за време на своите патешествија низ Земјата на Изгрејсонцето.

Author dovezenskiPosted on март 31, 2024април 1, 2024Categories Почетна

Јубулејниот петнаесетти по ред СоЏутсу семинар „Силата на Јари“ се одржа во неделата во дворот на стожерното Доџо на Буџинкан Македонија.

На овој традиционален настан, кој секогаш привлекува голем број учесници, учествуваа членови од речиси сите возрасти, а огромната крошна на големиот орев во Хомбу беше претесна за да ги прими под својата сенка сите заинтересирани.

На семинарот се вежбаа сите техники, принципи и кати од школата Шинден Фудо рју Дакентаиџутсу, а како и секогаш дружбата и енергијата беа на највисоко можно ниво.