Интезивниот семинар „Шинкен гата Тора но Маки“ ја потврди кондициската и борбената готовност што членовите на Буџинкан 
Македонија ја поседуваат.
За време на викендот, учесниците изучуваа 12 кати од четвртото ниво познато како „јондан“. И покрај многубројните модрици и отоци по рацете и нозете, кои се секогаш придружен дел кога станува збор за школата Кукишинден рју и системот Тора но Маки, учениците ниту еден момент не се штедееа и не тактизираа за да ја намалат болката. Напротив, до последната ката, тие енергично напаѓаа и се бранеа користејќи ги техниките од оваа рју-ха.
На крајот, беше договорено за неколку месеци да се организира уште еден Тора но маки семинар, овој пат посветен на нивото „годан“.