Буџинкан Македонија

Author dovezenskiPosted on август 15, 2025август 19, 2025Categories Почетна

Заврши уште еден од најлегендарните настани на планетава земја, познат под името Летен Нинџа Камп, а во организација на најдинамичното Доџо во светот – Буџинкан Македонија.

Цели 17 години по ред, учителот Игор Довезенски неуморно го пренесува своето знаење на сите заинтересирани за тајните на јапонските традиционални боречки вештини, па така и оваа година кампот привлече голема бројка на учесници.

Покрај Македонците, имавме и еден учесник од Франција, а со тоа настанот повторно се здоби со меѓународен карактер, нешто што се почесто се случува во последниве години.

Амтосферата на кампот беше величенствена, тренинзите силни и динамични, а уште сега добиваме пораки и повици со интерес за следниот камп што ќе се одржи во 2026 година. Потсетуваме дека пријавите секоја година почнуваат уште на новогодишната ноќ, па затоа бидете спремни 🙂

Author dovezenskiPosted on август 14, 2025август 19, 2025Categories Почетна

Во периодот меѓу 27 јули и 2 август, во Хомбу Доџото на Буџинкан Македонија се одржа деветиот по ред детски Летен Нинџа Камп.

На настанот, покрај дечињата од Македонија, учествуваа и неколку од Италија, Франција и од Кина (Хонг Конг), со што кампот доби навистина меѓународен карактер.

Инаку, овој летен нинџа камп беше најмасовен до сега и сите места беа продадени пред да заврши пријавувањето, па така би сакале да апелираме до редовните учесници следната година да се пријават колку што можат побрзо, бидејќи настанот станува се попопуларен и попосакуван и надвор од границите на нашата држава.

Author dovezenskiPosted on јули 16, 2025јули 21, 2025Categories Почетна

Во неделата во Хомбу Доџото на „Пат кон Сонцето“ се одржа семинар специјално посветен за секцијата за Шиноби Таисо на Буџинкан Македонија.

За време на настанот учесниците практикуваа неколку различни дисциплини меѓу кои 庭歩禅 Теихозен (зен преку одење низ градина), потоа Џунан Таисо (јапонска јога), како и 森林浴 Шинрин Рјоку (капење во шума).

На барање на членовите на секцијата, беше договорено овие семинари да се одржуваат барем два пати во годината.

Author dovezenskiPosted on јули 7, 2025јули 21, 2025Categories Почетна

Во петокот во скопското доџо на Буџинкан Македонија се одржа полагање за повисоки ученички звања.

Со тоа, нашето Доџо се здоби со нови кохаи (помлади ученици), а еден од нив заслужи неговото име да биде ставено на Нафуда Каке во Хомбу-то на Буџинкан Македонија.

Им честитаме на сите кои успешно положија за нови повисоки степени.

Author dovezenskiPosted on јули 3, 2025јули 3, 2025Categories Почетна

Со неверојатна забава во срцето на селото Довезенце, беше одржана прослава под отворено небо по повод 30 години од основањето на единствениот нинџутсу клуб во Републиката – Буџинкан Македонија.

На забавата присуствуваа поранешни и сегашни членови на доџото, како и пријатели кои негуваат длабока почит кон тоа што го работиме и создаваме.

Атмосферата беше неверојатно позитивна, луѓето пресреќни и насмеани, а за забавата да биде луда и до крај откачена се погрижија уметниците од Брука Бенд, Пука Козметика, Дре и Диџеј Жолтиман.

Буџинкан Македонија е официјалниот претставник на меѓународната организација Буџинкан Доџо (Bujinkan Dōjō) во Република Македонија и работи под водство на учителот Игор Довезенски – првиот Македонец кој ја донел автентичната боречка вештина Нинџутсу во земјата.

Тој е основач на Буџинкан Македонија, долгогодишен ученик и практикант на традиционалните јапонски боречки вештини. Поседува официјална лиценца издадена од Буџинкан Хомбу Доџо (Bujinkan Honbu Dōjō) во Јапонија, под водство на д-р Масааки Хацуми, основачот на Буџинкан.

Покрај тоа што е боречки учител, Довезенски е познат и како истражувач на македонската духовна и културна традиција, што му дава посебна длабочина во пристапот кон будото. Тој не го гледа Буџинкан само како боречка техника, туку како начин на живот, во кој се спојуваат физичката подготвеност, дисциплината, духовниот раст и почитта кон природата и предците.

Author dovezenskiPosted on јуни 29, 2025јули 1, 2025Categories Почетна

После неколкуте меѓународни семинари одржани под водство на учителот Довезенски, конечно дојде на ред и месечниот редовен семинар во Хомбу Доџо, на тема Тоами (Нинџа Мрежа).

На семинарот учествуваа десетина членови на Буџинкан Македонија кои ги повторија катите со ова оружје од легендарната нинџутсу школа Тогакуре рју.

Временските услови беа одлични, а сенката под столетниот орев во дворот на Хомбу идеална за одржување на еден ваков настан.

До почетокот на летниот нинџа камп, останува време да се одржи уште еден редовен нинџутсу семинар на тема КенЏутсу и НагинатаЏутсу.

Author dovezenskiPosted on јуни 21, 2025јуни 21, 2025Categories Почетна

Учителот на Буџинкан Македонија, Игор Довезенски, одржа серија тренинзи во Прага – главниот град на Чешката Република.

Тема на тренинзите беа техниките на симултано извлекување и борба со јапонски меч (катана), познати под името БаттоЏутсу.

Учесниците на тренинзите беа презадоволни и благодарни за наученото, а беше договорена и понатамошна соработка со реномираниот македонски учител.

Author dovezenskiPosted on јуни 2, 2025јуни 16, 2025Categories Почетна

Во одлична и крајно позитивна атмосфера, заврши семинарот за борба со Оно (голема самурајска секира).

Настанот се одржа во неделата во Хомбу-то на Организацијата „Пат кон Сонцето“, а на истиот учествуваа десетина членови на Буџинкан Македонија.

За време на семинарот, учителот Игор Довезенски ги предаде сите кати од вештината Шинден Фудо рју Дакентаиџутсу, а кои се однесуваат на борба со Оно.

Author dovezenskiPosted on јуни 2, 2025јуни 16, 2025Categories Почетна

Семинар за борба со голем самурајски чекан (Отсучи) се одржа во саботата во дворот на Хомбу Доџото на Организацијата „Пат кон Сонцето“.

Учесниците имаа можност да повторат некои од формите на борба (ката) со ова орудие, но и да испробаат некои варијанти (хенка).

Временските услови беа одлични, така што после семинарот учениците помогнаа во средувањето на јапонската зен градина и таканареченото Нинџа Село.

Author dovezenskiPosted on мај 25, 2025мај 26, 2025Categories Почетна

На покана на две германски Здруженија на граѓани од Германија, учителот Игор Довезенски одржа серија мотивациски и стручни предавања од областа на Куџи Ин 九字印, а кои се однесуваат на духовниот и менталниот аспект на тренингот на нинџите.

Истовремено, инструкторот на Буџинкан Македонија го посети и доџото на еден од најстарите германски учители – Штефен Фролих, при што заедно со него, како и со даи-шиханот Саша Увира, демонстрираше дел од своето знаење пред многубројните членови на Буџинкан заедницата од Германија.

За време на посетата беа остварени средби и со неколкумина други инструктори со кои беше договорена подлабока соработка во иднина.