Одржан семинарот за Чигирики

Posted on Categories Почетна

Членовите на Буџинкан Македонија кои земаа учество на неделниот семинар за Чигирики, повторно се стекнаа со предност и научија да користат уште една за нив нова, а сепак древна јапонска алатка за самоодбрана.
Дворот на Хомбу Доџото на Организацијата „Пат кон Сонцето“ беше местото каде што учителот Довезенски несебично на своите ученици им го предаваше знаењето стекнато низ годините поминати во практицирање класични јапонски самурајски и нинџа вештини.

Учесниците имаа можност да ги извежбаат сите основни форми со ова необично оружје кое се состои од стап, ланец и тег, меѓутоа за време на тренингот се користи дрвен реквизит поврзан со јаже отежнато со тениско топче, а секако, за да се избегнат можните повреди.

Се чини дека неколку од учениците на доџото се веќе цврсто решени сериозно да ја научат и оваа вештина, а многумина од почетниците исто така пројавуваат интерес, што ветува дека и во иднина ќе се одржуваат семинари на оваа тема.