„Сеишин Теки Кјојо“ во Хомбу

Posted on Categories Почетна
Викендов што измина, во Хомбу Доџото на Организацијата „Пат кон Сонцето“ се одржа семинар наменет само за постарите ученици (Семпаи) на тема Сеишин Теки Кјојо (Духовно усовршување на Нинџата).
За време на настанот, учителот Игор Довезенски на своите верни ученици им ги сподели тајните на префинетото битисување на Шиноби воините низ историјата.

Предавањето беше во форма на Куден (усмена трансмисија) при што беа опфатени следните области:
1. Човечките слабости и како да се надминат
2. Индивидуалните доблести и како да се препознаат
3. Негување на умот и созревање на духот
4. Техники за ментална хигиена
5. Кјоџитсу Тенкан Хо (дуализмот и вечната борба на вистината и лагата)
6. Манипулација, контрола и техники за заштита
7. Воспитувањето како процес на еволутивно напредување
8. Тајната на тантричкиот секс и како се постигнува целосна контрола врз телото и оргазмот. Зголемување на сексуалните потенцијали и преопразба во издржлив љубовник кој успешно ќе ја задоволи партнерката.
Последниот Нинџутсу семинар за првото полугодие на 2022-ра, ќе се одржи на 10-ти јули на тема Јуми Ја (лак и стрела).

Одржан семинарот „Кампо - традиционална хербална медицина“

Posted on Categories Почетна

На падините и ридовите на Липац, во неделата се одржа семинарот насловен како „Кампо – традиционална хербална медицина“. Овој настан беше прв од серијата, колку што се планирани да се одржуваат во следните седум години.

Колку за потсетување, новиот серијал е дел од трилогијата на таканаречените преживувачки семинари кои започнаа со „Преживување во Природа“, па продолжија со „Живот во Дивината“, за сега да финишираат со „Кампо – традиционална хербална медицина“. По седум години за секој односно вкупно 21 година постојана обука за преживување и хармонизирање со природата.

Во неделата учество земаа десетина членови на „Пат кон Сонцето“, а настанот беше отворен за сите, па така имавме и две учеснички однадвор.

До следниот настан…

Одржан меѓународниот семинар „БуЈуКаи II“

Posted on Categories Почетна

Вториот по ред меѓународен семинар насловен како БуЈуКаи, викендов се одржа во дворот на Хомбу Доџото на Организацијата „Пат кон Сонцето“. Настанот, кој се пополни за само два дена од своето официјално објавување, собра на едно место практиканти од дури четири земји: Турција, Австрија, Бугарија и Македонија. Да не беше ограничувањето од 40-сет учесници, најверојатно семинарот ќе беше многу поброен.

Инаку, ова беше втор БуЈуКаи, после првиот кој се одржа во Турција во 2019 година. Настанот, на кој како предавачи се учителите Игор Довезенски (Буџинкан Македонија) и Ерџан Шарбат (Буџинкан Турција), е замислен како собор и споделување на искуството на инструкторите, како и меѓусебно дружење и запознавање на учесниците.

На крајот, учители обзнанија дека третиот по ред БуЈуКаи ќе се одржи во Истанбул, при крајот на октомври (2022), како и дека постои заинтересираност за учество на уште еден учител во овој меѓународен собир.

Уште еден тим билдинг во Хомбу

Posted on Categories Почетна

Само една седмица по тим билдингот со „Креатива“, минатата сабота се одржа уште еден, овој пат со фирмата за графички дизајн „Контура“.

Со малку поинаква програма, следејќи ја нивната желба, им одржавме кратки обуки за гаѓање со шурикени, како и со лак и стрела, а учесниците уживаа и во шиноби таисо тренингот надополнет со вежби за медитација.

На крајот, задоволни од преубавиот ден, вработените и одговорните во „Контура“ ни најавија и следна дружба.

Тим билдинг во Хомбу Доџо

Posted on Categories Почетна
Долгогодишната соработка со „Креатива“, каде што нашите инструктори одржуваат редовни часови за јапонска јога, се искачи на уште едно ниво погоре. Во саботата, им организиравме „тим билдинг“, при што имавме неверојатно убав ден, исполнет со многу дружење, активности и авантури.

За разлика од другите, Буџинкан Македонија организира еден поинаков „тим билдинг“, каде што нашите клиенти можат да бират помеѓу најразилни активности.
Прекрасните девојки од „Креатива“ се одлучија за посета на неолитското живеалиште и опсерваторија „Цоцев Камен“, како и на „Коњушката Тврдина“. И двата археолошки локалитети се наоѓаат во близина на нашето Хомбу Доџо. На крајот,  следуваше заеднички вегански ручек (нудли со зеленчук) подготвен лично од рацете на учителот Игор Довезенски.

Сите заинтересирани фирми кои сакаат да организираат еден несекојдневен „тим билдинг“ за своите вработени, можат да ни пишат во нашиот инбокс или да ни се јават на 075 564 011.

Хоџутсу во дворот на Хомбу

Posted on Categories Почетна

Семинар за ракување со пушка, се одржа во дворот на Хомбу Доџото на Организацијата за изучување класични јапонски боречки вештини – Пат кон Сонцето.

На настанот, учениците на Буџинкан Македонија имаа можност да се запознаат со техниките и положбите на стрелање од школата Геки рју Хоџутсу. За таа цел, место јапонска пушка-кременарка, учесниците користеа воздушни пушки, меѓутоа запазувајќи ги принципите и начините на Танегашима-та.
Инаку, за време на најплодниот период за развој на јапонските рју-ха, во Земјата на Изгрејсонцето постоеле околу 400-тина Хоџутсу школи.

На крајот на семинарот, беше договорено доколку и во иднина постои интерес за повторување на овој настан, тој да влезе во редовниот календар на настани на Буџинкан Македонија.

По тринаесетти пат одржан „Силата на Јари“

Posted on Categories Почетна

Тринаесет години по ред долината и ридовите под Липац ечат од грмогласните извици на Воините на Буџинкан Македонија кои секој последен викенд во март се собираат во Хомбу Доџото со цел да ги усовршуваат своите техники за борба со копје (СоЏутсу).

Оваа година, семинарот се одржа на ивицата на шумата Млака, на ливада опкружена со многу столетни трепетликови дрвја, а на настанот учество земаа 20 членови на нашето Доџо.

Под водство на учителот Довезенски и со срдечна помош при предавањето од страна на неговиот помошник Марко Опачиќ, учесниците имаа можност да уживаат во велелепните СоЏутсу техники од школата Шинден Фудо рју Дакентаиџутсу.

За следната година очекуваме бројот на учесници уште повеќе да се зголеми и да го срушиме рекордот по бројност на легендарниот семинар „Силата на Јари“.

Шурикен семинар во дворот на Хомбу

Posted on Categories Почетна

Еднодневен семинар на тема ШурикенЏутсу се одржа во саботата во дворот на Хомбу Доџото на Организацијата „Пат кон Сонцето“.

Настанот оваа година привлече многу нови заинтересирани од почетничката група на Буџинкан Македонија, со што атмосферата беше уште повеличенствена.

Сите учесници покажаа солидни резултати, а кај некои од нив напредокот беше и повеќе од задоволителен, па така учителот Игор Довезенски на својот ученик Владимир Атновски му додели копија од Деншо (прирачник) за техниките на гаѓање со Шурикени.

Вечерта во Доџото се одржа презентација на видеото од школата Асајама Ичиден рју Таиџутсу, а потоа имаше и „нинџа кино“ односно учесниците уживаа во класичниот шиноби филм од осумдесетите „Моли за смрт/Pray for death“.

Гјокко рју / Кото рју - Камае, Тсуки, Уке, Кери семинар

Posted on Categories Почетна

Дождот што паѓаше во текот на вчерашниот ден, направи уште попријатна атмосфера за време на семинарот што се одржа во скопското доџо на Буџинкан Македонија.

Учесниците имаа можност да ги вежбаат основните положби на телото, како и ударите и блоковите од школите Гјокко рју Косшиџутсу и Кото рју Коппоџутсу.

Веќе од следниот викенд, се отвора новата сезона во Хомбу Доџото на Организацијата „Пат кон Сонцето“, а за две недели закажан е првиот семинар за 2022-ра, во овој храм на јапонските класични борбени вештини.

Одржан десеттиот „Детски Нинџа Маратон“

Posted on Categories Почетна

Десеттиот и воедно последен „Детски Нинџа Маратон“, се одржа вчера во скопското доџо на Буџинкан Македонија. На програмата беа неколку техники за самоодбрана, како и техники за бешумно движење.

Со овој семинар, се затвора циклусот на зимски детски маратони, а веќе од следната зима, планиран е нов настан со наслов „Детски Нинџа Самит“, при што освен нинџутсу техники, децата ќе се забавуваат со многу забавни игри и лотарии.